Lussimbordjwès (lingaedje)

lingaedjes > indo-uropeyin > tîxhon coûtchantrece > hôt-almand > moyén-almand > lussimbordjwès

Po des linwincieusès racsegnes sol mot "lussimbordjwès", alez s' vey sol Wiccionaire

Li lussimbordjwès u francike del Mozale (Lëtzebuergesch e lussimbordjwès, francique mosellan po les linwincieus e francès, Moselfränkisch en almand), c' est on lingaedje tîxhon, del coxhe do francike, djåzé el Grande Dutcheye do Lussimbork, des pårteyes d' Almagne, di France et del Walonreye (viyaedjes åtoû d' Årlon eyet Sint-Vit). Tos payis metous dins les vås d' Mozale.

Côde ISO: lb

Mwaissès piceures

Li lussimbordjwès est eto djåzé påzès Tîxhons do Zivenbork (Transilvaneye), el Roumaneye.

El Grande Dutcheye, il a stî proclamé come lingaedje nåcionå oficir dispoy 1984. El Federåcion Walonreye-Brussele, c' est onk des ricnoxhous lingaedjes dilérins.

Li lussimbordjwès est on lingaedje francike d' asteure. Il est près-parint do ripouwaryin, li prumî lingaedje dilérece des Redîmés Payis et des viyaedjes tîxhon-cåzants di l' arondixhmint d' Vervî.

Egzimpe di tecse e lussimbordjwès

e lussimbordjwès: All Mënsch kënnt fräi a mat deer selwechter Dignitéit an dene selwechte Rechter op d'Welt. Jiddereen huet säi Verstand a säi Gewësse krut an soll an engem Geescht vu Bridderlechkeet denen anere géintiwwer handelen.
ratournaedje walon: Tos les omes vinèt å monde libes et ewals po çou k' est d' leu dignité et d' leus droets. Leu råjhon et leu consyince elzi fwait on dvwer di s' kidure inte di zels come des frés.

(prumî årtike del Declaråcion univiersele des droets del djin)

Vicansté do lussimbordjwès e payis d' Årlon

Davantage d’informations Viyaedje (e lussimbordjwès), (e walon) ...

**Tåvlea di l' uzaedje do lussimbordjwès dins les viyaedjes do Payis d' Årlon e 1978 (tot cminçant påzès cis kel djåzèt co foirt).**
Viyaedje (e lussimbordjwès)	(e walon)	% ki djåzèt luss.	% ki nel djåzèt nén
Noutem	Notombe	90	10
Hiewerdang	Haberdji	90	10
Giisch	Guiyisch	90	10
Tënnen	Tîtindje	87	13
Hondel	Hondlindje	85	15
Diddebuurg	Tiômont	85	15
Attert	Ater	80	20
Tontel	Tontlindje	76	24
Gehaamselchert	Nåbrissåt	75	25
Séilen	Sélindje	75	25
Nidderälter	Åtébas	75	25
Woulker	Wåclindje	70	30
Ternech	Tournich	70	30
Häerzeg	Hachî	65	35
Martel	Måtlindje	60	40
Miézeg	Messanceye	60	40
Bunnert	Bouner	60	40
Hueldang	Halazi	60	40
Häischel	Hinch	50	50
Attem	Atusse	50	50
Eiben	Åbindje	45	55
Fäteler	Faiviè	15	85
Arel	Årlon	10	90
Tot l' payis	d' Årlon	66	34

Fermer

Sacwantès plakes e lussimbordjwès

N a sacwants viyaedjes bedje k' ont metou des plakes e lussimbordjès.

A Tontel (Beldjike)
A Maartel (Beldjike)

Rilomés disfindeus do lussimbordjwès

Nicolas Bach

Difoûtrinnès hårdêyes

Commons

I gn a so les cmons Wikipedia des imådjes ou fitchîs son a vey avou Lussimbordjwès (lingaedje) .