Jean Germain

Jean Germain (riwalnijhåve Djan Djermwin), c' est on rcwereu sol walon, k' a bråmint bouté so l' antroponimeye. C' est lu k' a-st enondé l' idêye di rfondaedje do walon å cmince des anêyes 1990.

Skepiaedje	4 di djun 1949, Spontin
Nåcionålité	Bedje
Activités	bibiotekî, linwincieus, toponimisse, professeu d' univiersité

Jean Germain

WIKIDATA

Il a skepyî li 4 di djun 1949 a Spontin.

Di s' mestî, il est directeur del Bibioteke Djeneråle des Syinces Uminnes a l' Univiersité do Noû-Lovén, cåzu l' pus grande bibioteke del Waloneye. I dmeure a Sovet

Ouve pol walon

Il aveut cmincî pa on memwere so les cårires di Spontin (Teze so les cårires di Spontin, å rahouca l° C11 dins l' djivêye des motîs do walon). E 2005, il a eto fwait rexhe on live so les nos d' plaeces di Spontin.

C' est eto lu l' prumî k' a enondé, e 1989, l' idêye pratike do rfondaedje do walon, et minme l' atuze des betchfessîs scrijhas (betchfessî ea). Mins il a do côp rsaetchî cist atåvla la, ki n' serè rprins k' e 1994 pa Lorint Hendschel.

Pol rifondaedje do walon, il a co bouté sol Motî Walo pluss, et scrire l' adrovaedje di ç' live la li 13 di may 1992. Mins, après çoula, il a leyî ouve avou l' linwe-ehåyaedje po-z ovrer so des rcweraedjes classikes di toponimeye et antroponimeye.

Li cougnet d' ses scrijhaedjes, ci fourit, sins manke, li Motî des nos d' famile del Walonreye, eplaidî e 1996, et k' il aveut rashonné a cmincî des eplaidaedjes et des fitchîs da Jules Herbillon.

Come si bea-pere Willy Bal, Jean Germain djåzéve voltî walon avou sacwants waloneus, et lzî emiler e walon. Foû råle po on sincieus del SLLW (il î a moussî e 1983).

Dins les anêyes 2020, i serè l' mambor di l' emission waloncåzante «Schoûtez ene miete».

A lére di lu

Quel avenir pour nos dialectes ? L'exemple du «Rumantsch Grischun», divins Toudi l° 3, 1989, pp. 211-219.

Hårdêyes difoûtrinnes

• (fr) Si pådje sol waibe di l' SLLW (avou des aspitants purneas)
  • Viye pådje del minme soce (sins aspitant purnea)
• (fr) Si pådje sol waibe del comission di toponimeye (e francès)
• ene di ses conferinces, dinêye e walon (so l' Aberteke)
• Vaici, vos ploz schoûter èn eredjistrumint del fåve do vî vî tins «Li bijhe et l' solea» ratourné pa Jean Germain avou l' accint d' après Cînè pol Djåzant atlasse éndjolike des lingaedjes di France et d' avår la.