Li côde ISO 639, c' est on côde ISO po les lingaedjes.
Gn a des cis ås deus letes (ISO 639-2) ki sont dnés djusse po les scrîts lingaedjes. End a ås troes letes (ISO 639-3) ki sont dnés po tos les lingaedjes.
Gn a 432 lingaedjes k' ont on côde ISO 639.
Egzimpes di lingaedjes avou u sins côdes ISO
Egzimpes di lingaedjes avou on côde ISO ås deus letes
- wa: walon (diné e 2002).
- nl: neyerlandès
- en: inglès
- de: almand
- es: espagnol
- ar: arabe
- mt: maltès
- pt: portuguès
- it: itålyin
- da: daenwès
- sv: suwedwès
- pl: polonès (çou k' espaitche sovint d' eployî ces deus letes la come modele po "pluriyal", dins l' Wiccionaire walon, metans)
- ru: rûsse
- be: bielorûsse (çou k' espaitche sovint d' eployî ces deus letes la po "betchete")
- ja: djaponès
…
Egzimpes di lingaedjes avou on côde ISO ås troes letes
- wln: walon (co siervou sol Wiccionaire neyerlandès)
- arz: arabe edjipsyin
- ary: arabe marokin
- amz: atampaya (çou k' espaitche di l' eployî po l' amazir)
- tmz: tamanacou (çou k' espaitche di l' eployî po l' tamazir do Mîtrin Atlasse)
- tam: tamoul (çou k' espaitche di l' eployî po l' tamazir do Mîtrin Atlasse)
- shi: chleu (lingaedje)
- tzm: tamazir do Mîtrin Atlasse
- kab: tamazigh cabile (mins k' a eto ene valixhance di côde ås deus letes)
- shy: tamazir chawi
- zgh: kimon amazir marokin
Egzimpes di lingaedjes sins côde ISO 639-2 mins avou on côde ISO 639-3
Sacwants lingaedjes sins côde ISO 639-2 ont tolminme on côde ISO 639-3
Egzinpes di lingaedjes sins côde ISO
- tchampnwès
- lorin (lingaedje)
- alzacyin
- scôswès (lingaedje); scôswès d' Uster.
- normand (lingaedje) (apus ki les lingaedje coinreces di Djersè eyet Guernuzè k' ont on côde 639-3)
Dinaedje des côdes ISO 639-2
I sont dnés pal livreye do Congrès des Estats Unis. Po documinter ene dimande, i fåt mostrer ki c' est on lingaedje bén ricnoxhou. Po les côdes ås deus letes, ki c' est bén on scrît lingaedje.
Istwere do côde ISO do walon
Les côdes ISO 639 do walon ont stî dnés so ene dimande da Pablo Sarachaga dins l' kimince des anêyes 2000. Li documintåcion, rashonnêye avou l' aidance da Lorint Hendschel, Stéphane Quertinmont et d' l' UCW evoyeye mostréve k' i n aveut vormint ene literateure e walon dispoy des ans.
I s' adjixheut di fotocopeyes di lives e walon et d' årtikes sol walon mostrant k' on l' eploye ossu bén pol powezeye ki pol prôzes, et ossu dins des gazetes. I rclama eto k' i n aveut pår des cours a l' univiersité k' ont l' walon come sudjet.[1]
Hårdêye difoûtrinne
Sourdant
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.