Calcaedje do francès
From Wikipedia, the free encyclopedia
On calcaeje do francès, c' est li passaedje d’ on mot do francès aviè èn ôte lingaedje.
Gn a bråmint des mots francès k' ont moussî dins tos les lingaedjes d' Urope e 18inme sieke, di cåze del rilomêye del France. Metans :
- rûsse gardierôbe (vestiåre d' on teyåte, evnd.) do Fr. garde-robe.
L' impire coloniå francès a eto stitchî ene cåkêye di mots dins les lingaedjes des colnijhîs payis. Metans, e l' arabe marokin.
Li walon a calké des mots do francès dispu bele ådje. Mins, c' est purade avou l' abrocaedje et l' anecsion di 1795 ki tos les mots administratifs et tecnikes vont-st aploure e walon.
Les mots sont ene miete riwalonijhîs å cmince, copurade so les payis tot près des contrêyes tîxhon-cåzantes; metans :
- fwèstî po forestier (forestî) rilevé al Viye Såm.
Mins dipus kel tins passéve, dipus k' les mots estént prononcî come e francès, minme disconte les rîles del fonolodjeye walone, metans li rîle des troes cossounes u li displouctaedje des dobès cossounes å coron des mots.
Bråmint des calcaedjes do francès ont stî rwalonijhîs pa les rfondeus.