Ene binde d' imådjes (des côps dizo racourtixha B.I.) k' on dit eto : ene binde dessinêye et, pus coûtmint, ene bédé u BD[1]), c' est on live avou totes des imådjes metowes ene padrî l' ôte, et on tecse dissu, po raconter ene istwere.
Mwaissès piceures
Gn a des tecses ki c' est come li cåzaedje d' on raconteu. Adon, i sont metous en on rectingue å dzeu.
Les ôtes tecses, k' end a bråmint dpus, c' est les cåzaedjes des persounaedjes. Ces tecses la sont metous dins des bouyotes.
Gn a eto les mots-bruts ki sont dessinés dins l' imådje.
Les desséns des bindes d' imådjes sont fwaites pa on dessineu. Les tecses pa on scrijheu d' bédé.
Å pus sovint, tos les tecses (såf les mots-bruts) sont scrîts al mwin, d' on letreu.
L' eplaideu d' bindes d' imådjes si lome on binddimådjî. Tos les cis k' ovrèt u ki vindèt des bindes d' imådjes sont cobén spotés les Spiroutîs.
Les bindes d' imådjes si passèt sovint dins des forveyous payis. Les persounaedjes sont kécfeye lomés avou des raptitixhants nos d' djins.
Les bindes d' imådjes sont diferinnes des lives d' imådjes la k' i gn a k' ene grande imådje so tchaeke pådje, et on tecse ki s' shût.
Les bindes d' imådjes polèt divni des fimes d' imådjes.
Les bindes d' imådjes fwaites u ratournêyes e walon sont metowes so ene pådje tote seule.
Sacwants rlomêyès bindes d' imådjes
askepieyes el Walonreye
- Natacha
- Spirou
- Tif et Tondu
- les bleus sårots
- La Tchalette
- Li vî Bleu
askepieyes ôte pårt el Beldjike
- Tintin
- Bob et Bobete
- Bessy
- Aria
askepieyes ôte pårt sol Daegne
- Popeye
- Mickey et Dôna l' canî
Sacwants rlomé spiroutîs
- André Franquin
- Albert Goscinny
- Jigé
- Hergé
- Willy Lambillotte
- Jean-Claude Servais
- Maurice Tillieux
- René Uderzo
- François Walthéry
Sacwants rlomé binddimådjîs
- li måjhon Dupuis a Mårcinele
Do walon muchyî dins les bindes d' imådje e francès
C' est sovint dins l' boke des djins ki cåzèt on lingaedje etrindjir.
- Dins "François Walthéry" "Natacha, hôtesse de l'air".
- La patrouille des Castors
- Dins Tintin (Le sceptre d' Ottokar), el Sildayeye, li manoye, c' est des "kôr" (cwår).
Hårdêye difoûtrinne
Sourdant
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.