From Wikipedia, the free encyclopedia
Li batreye di Sebastopol, eto lomêye batreye di Malacof, ci fourit l' dierinne batreye del guere di Crimêye, et do Sidje di Sebastopol.
Ele si passa dins l' veye di Sebastopol, li 7 di setimbe 1855, Francès disconte des Rûsses.
Li djenerå ferancès MacMahon dina l’ assôt al Tour Malacof. Et dire li rlomêye sintince : « dj’ i so, dj’ î dmeure »
Li sidje di Sebastopol duréve dedja dispu ene hapêye.
Les Inglès avént prins li Tour Redan, èn ôte des forbots d’ Sebastopol. Mins endè fourît retchessî do côp.
Les Rûsses n’ ont nén leyî ouve. Li 11 di setimbe, il ont cwité l’ veye, tot-z î boutant l’ feu. Totafwait a broûlé : totes les måjhons et tote li flotêye di bateas.
Gn ourit des plaeces dins les viyaedjes ki s' lomît do no di cisse batreye la, tant li guere di Crimêye esteut shuvowe dins les gazetes. Metans, a Couyet, Bive et Tcheslinea.