De wientersloap is e maniere vo de wienter deure te kommn by verschillige sôortn van bêestn. In de koude wientermoandn is 't dikwils moeilik vor an eetn te geroakn en ist er winnig beschuttienge in de nateure.
Der zyn verschillige sôortn van bêestn die e wientersloap houdn, lik wêekbêestn, insektn, slangn, schildpaddn, hoagedissn, amfibien en e poar zoogbêestn lik muuzn, vlêermuuzn en egels.
Binst de wientersloap kommn die bêestn in e lethargische (bewegiengloze, inactievn) toestand. De lichoamstemperateure doalt styf lêge (hypothermie). De mêeste lichoamsfuncties lik de stofwisselienge, 't oasemen en de bloedsomloop zyn styf verminderd en 't herte klopt veel troager of normoal. Azo wordt er bykan gêen energie verbruukt woadeure dan de bêestn bykan gin eetn nôdig en. Sommigte leggn e wientervôorroad an en der wordt ook gebruuk gemakt van de vetreserves die ipgesleegn zyn binst de warmere moandn.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
