Vaucluse

De Vaucluse (84) is e Frans departement in de regio Provence-Alpes-Côte d'Azur.

Vaucluse (84)
Liggienge van de Vaucluse in Frankryk
Regio	Provence-Alpes- Côte d'Azur
Hoofdstad (Préfecture)	Avignon
Sous-préfectures	Apt Carpentras
Ippervlak	3.520 km²
Inweuners Bevolkiengsdichtheid	559.014 (2016) 159 inw./km²
Arrondissementn	3
Kantongs	17
Gemêentes	151
{{{foto}}} {{{byschrift}}}

't Departement is vernoemd noa 't dorp Vaucluse, da sedert 1946 Fontaine-de-Vaucluse genoemd is vo 't verschil te weetn mè 't departement.

Geografie

Round de Vaucluse liggn de departementn Gard (30) en Ardèche (07) in 't westn, Drôme (26) in 't nôordn, Bouches-du-Rhône (13) en Var (83) in 't zuudn en Alpes-de-Haute-Provence (04) in 't ôostn.

De Vaucluse bestoat uut drie arrondissementn (Apt, Avignon en Carpentras) en telt 17 kantongs en 151 gemêentn.

Beziensweirdigheedn

Gekende plekkn zyn:

• Avignon mè zyn Palais des Papes (Pausenpaleis) en de Pont St-Bénezet, beter bekend lik de brugge van Avignon van 't liedje Sur le pont d'Avignon.
• Gordes, e toeristisch dorptje dat ip e rotse van 't Luberongebergte ligt.
• Roussillon mè vele oker in de bodem, woadeure da hêel 't dorp gilwe, oranje, rôod van kleur is.
• D'abdeye van Sénanque, e cisterciënzerabdye in Romoansche styl, e poar kilomèiters van Gordes.
• Orange, e stad me twêe Romeinsche monumentn die ip de Weirelderfgoedlyste van den UNESCO stoan: 't antiek theoater (103 m brêed en 36 m hoge) en de triomfboge.
• Vaison-la-Romaine mè styf vele Romeinsche overbluufsels, lik een antiek Romeins theoater en e Romeinsche brugge over de riviere Ouvèze.
• Den berg Mont Ventoux
• De bronne van de riviere Sorgue in Fontaine-de-Vaucluse

• 
  Gordes
• 
  Roussillon
• 
  Romeinsche brugge in Vaison-la-Romaine

Externe koppeliengn

• Website Vaucluse (Frans)
• Préfecture de Vaucluse

Ofbeeldiengn die ier by passn ku je vien in de categorie Vaucluse van Wikimedia Commons.