Sven Nys

Sven Nys (Bonheiden (Antwerpn), 17 juni 1976) is e Belgischn coureur die surtout styf goed is in 't cyclocrossn, woarin dat 'n de latste 10 joar êen van de mêest dominante toppers is. Doanaasn is 'n ouk gin sukkeloare up de weug (oundermêer ol goed ereen in Parys-Roubaix) en 't mountainbiken (e muchte in die discipline no d'Olympische Speeln in Peking, woa dat 'n 'n neegnsn wos). Ze bynoame is de Kannibaal van Baal.

Sven Nys beistn de Nôordzêecross 2007 in Middelkerke

Sven Nys is in verre olles goed (technisch surtout, en oundermêer e krak in over booksjes spriengn), ollêne me loopn et 'n e klêen bitje rôoi.

Palmares (cross)

Olles goat were tout 2007, mor ne got der in 2008 nermaal gezien nog e bitje by doen, want e kut nog olles winn.

Regelmoatigeidscriteriums

• 13x Superprestige: 1999, 2000, 2002, 2003, 2005, 2006, 2007, 2008, 2009, 2011, 2012, 2013, 2014
• 7x Weireldbeker: 2000, 2002, 2005, 2006, 2007, 2008, 2009, 2014
• 9x Trofee Gazet van Antwerpen: 2003, 2005, 2006, 2007, 2008, 2009, 2010, 2011

Êendagscrossn

• 2x Weireldkampioen (profs): 2005, 2013
• 9x Belgisch Kampioen (profs): 2000, 2003, 2005, 2006, 2008, 2009, 2010, 2012, 2014
• 50 Weireldbekercrossn
• 64 Superprestigecrossn
• 50 Trofee Gazet van Antwerpen-crossen

Aar zoakn

• 5x Belgisch kampioen MTB: 2005, 2007, 2013, 2014, 2015
• 1x Sportpersôonlikeid van 't joar: 2006
• 2x Kristalln Fiets: 2007, 2013
• Mêerder kêern Belgisch en Weireldkampioen byn de jeugd
• Sportman van 't joar: 2008

In West-Vloandern

Vaneigens het Nys ouk ol crossn ewonn in West-Vloandern.

• 9x in Ruddervôorde
• 5x in Middelkerke
• 6x in Koksyde
• 2x in Wielsbeke (1x Belgisch Kampioenschap)
• 2x in Otegem
• 1x in Zunnebeke
• 1x in Gits

Persôonlik leevn

Sven Nys wunt in Baal (Tremelo) en was etrouwd met Isabelle, woamei dat 'n e zeuntje et. Tope zyn ze ouk begunn met 't moakn van koerseklêers (SN).

Externe koppelienge

• Officiële website