E sparre is e boom van 't geslachtPicea[1] e geslacht van oengevêer 35 sôortnkoniefeern uut de famielje van de Pinaceae, gevoenn in de nôordlikke warmgemoatigde en boreoale tajgas van de weirld. Sparrn zyn grôote boomn, van oengevêer 20-60 meetres oogte o ze rype zyn, en ze zyn gekenmerkt deur in e krans stoande takkn en deur undre vorm lik e keegle. De noaldn, of bloarn, van sparreboomn stoan per êen spiroalsgewyze geschikt ip de takkn, iedre noalde ip e bladkussentje dat weetschapplik e pulvinus êet. De noaldn voln of o ze 4–10 joar oed zyn, de takkn bluuvn dan oeneffn deur de bluuvnde bladkussentjes (e gemakklijk kenmerk vor undre t' oendrescheidn van andre glykoardige geslachtn, woa dat de takkn reedlik effn zyn).
Sparrn wordn gebruukt lik voedslplantn deur de larvn van sommigte sôortn schubvleuglign. Ze zyn ook gebruukt deur de larvn van Adelges-sôortn (insektn die galln verôorzoakn).
In de bergn van West-Zweedn ên de weetnschapprs e geweune sparre gevoenn, bygenoamd "Oede Tjikko", die zyn eign ê vôortgeplant deur ofleggers, en die 9 550 joarn oed is. 't Zoe 't oedste leevnde weezn ip eirde zyn da gekend is [2].
DNA analyzn [3][4] ên angetôond da de tradiesjonêele indêeliengn gesteund ip de morfologie (lêer van de vorm) van noaldn en keegles kunstmoatig zyn. E stuudje van nie lange geleen [3] voend da Picea breweriana e groend-poziesje ad, gevôgd deur Picea sitchensis, en de andre sôortn wierdn voddre ipgedêeld in drie kloadn. Da alles lat ziene dat de sparrn in Nôord-Amerika oenstoan zyn.
Sôortn
Dr zyn vuufendertig sôortn in de weirld.
Joenge P. glauca, Kluane National Park, Kanada.Nie-rype keegls van P. mariana, Ouimet Canyon, Ontario, Kanada.Keegle en noaldn van P. pungens.
Picea jezoensis – Jezo-sparre, nôordôostlik Oazje [5], Kamtsjatka[6] en noa 't zuudn ook in Japan
Picea koraiensis – Koreoansche sparre, Korea, nôordôost China
Picea koyamae – Koyama-sparre, bergn van Japan
Picea mariana – Zwarte sparre, nôordn van Nôord-Amerika
Picea meyeri – Meyer-sparre, nôordlik China (van Binn-Mongoolje toe an Gansu)
Picea obovata – Sibeeriesche sparre, nôordlik Skaninoavje, Sibeerje; dikkers bekêekn lik e variant van P. abies (en kruust ermee) mo mê verschillnde keegles
Picea omorika – Serviesche sparre, Servië en Bosnië; platslik endeemiesch; belanryk in de tuunbow.
Picea pungens – Blowe sparre, Rotsgebergte, Nôord-Amerika; belanryk in de tuunbow.
Picea retroflexa – Groene Droake-sparre, China
Picea rubens – Rôo sparre, nôordôostlik Nôord-Amerika; belangryk in de bosbow, gekend lik Adirondack by 't moakn van muziekinstrumentn.
(en) Aðalsteinn Sigurgeirsson & Alfred E. Szmidt 1993: Phylogenetic and biogeographic implications of chloroplast DNA variation in Picea, Nordic Journal of Botany, 13/3, p. 233–246]