De Sint- Donaaskathedroale van Brugge is round 944 gebouwd ip de Burg rechtover ’t stadhuus. De kerke, genoemd no de patrôonhillign Donatianus van Reims en ofgebrookn in 1800 deur de Fransche, was de belangrykste kerke van Brugge.
![Thumb](http://upload.wikimedia.org/wikipedia/commons/thumb/e/ee/Brugge_-_Waterhalle_1294_-_1787.jpg/640px-Brugge_-_Waterhalle_1294_-_1787.jpg)
Geschiedenisse
Boudewyn I van Vloandern liet round 864 e versterktn burcht teegn de Vikings bouwn. An de burcht wierd er ôok e Pre-Romoansche kapelle gebouwd. Loater round 944 wierd de kapelle verbouwd tout e Karolingische kerke ounder Arnulf I, groaf van Vloandern en klêenzeune van Boudewyn I. Je liet de kerke bouwn no ’t model van de Paltskapelle van Karel den Grôotn in Aakn. ’t Was e symbool van groafelikke macht.
Round 960 het ’n in de kerke e seculier kapittel gesticht met e college van prôost, deekn en 12 kanunnikn. By de verbouwienge tout de Romoansche kerke wierd er e kôor an den ôostkant gebouwd, woavan dan de restn te zien zyn in de kelder van ’t Crowne Plaza Burghotel.
In 1127 wierd groaf Karel den Goein, die styf populair was by ’t geweun volk, vermôord in de kerke deur de Erembalds.
De kerke is loater verbouwd gewist. Êest in 1184 achter e brand en in de loate middelêeuwn tout e gotische kerke, die ‘t burgpling ofslôot.
In den eestn helft van de 15ste êeuwe liet de kanunnik van de Sint-Donaaskerke, Joris van der Paele, zyn portret schildern deur Jan van Eyck vor in de kerke t’hangn. ’t Schilderye Madonna mè kanunnik Joris van der Paele hangt nu in ‘t Groeningemuseum by de Vlamsche Primitievn.
In 1559 richtte de paus vêertien nieuwe bisdommn ip in de Spoansche Nederlandn, woarounder Brugge, en wierd de kerke e kathedroale.
![Thumb](http://upload.wikimedia.org/wikipedia/commons/thumb/f/f6/Sint-Donaas_-_funderingen_-_Brugge_-_Belgi%C3%AB.jpg/640px-Sint-Donaas_-_funderingen_-_Brugge_-_Belgi%C3%AB.jpg)
In 1799 wierd de kathedroale ounder ’t Frans regime oopnboar verkocht en ’t joar d’r ip, ip de noamdag van den patrôonhillign, ofgebrookn. De kerke is nie mir herbouwd gewist. In 1834 wierdn de relikwien van Donatianus overgebrocht no de Sint-Salvatorskerke, die ton de kathedroale gewordn is.
De Sint-Donaaskerke heet e grôte rolle gespeeld in Brugge en d’r zyn veel belangryke persôonn begroavn o.a. Karel den Goein (1127), Lodewyk II van Nevers (1346), Jan van Eyck (1441), kanunnik Joris van der Paele (1443), Juan Luis Vives (1540) en verzekers ôok Karel den Stoutn (1477). Zyn proalgraf is nu te bezichtign in d'Onze-Lieve-Vrouwekerke.
Kykt ôok
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.