De Morini of Morienn woarn een oud-Belgische stam in den tyd van de Romeinn. Me weetn vrê winnig van under toale, moar êen van under steedn, Boulogne, wierd Bononia genoemd deur den Byzantynsen geschiedkundigen Zosimus en Bonen in de Middelêeuwn. De vornoamste Romeinse nederzettienge, den Civitas Morinorum, in die streke was Tarwanna of Tervanna, tegenwôordig Thérouanne in 't Frans en Terwaan in 't Nederlands. "Wanna" is een oude name voar een platselikke rivier, in da gevol de Klêne Leie. Tope met de Menapiërs zyn ze vermeld in Julius Caesars De Bello Gallico (Over den ôorloge in Gallië).
Etymologie
De stamme zyn noame kom van 't Proto-Indo-Europees wôord *mor-i, wa da zêe of meer betêkent, en is verwant an 't Vlamse wôord moere voa polders. De noame Morini is verzekers een referentie noa de zoutwoatermoerassn wodan ze weundign.
Geografie
De Morienn weundign in de kustvlakte die in den tyd nog mêer bespoeld wierd deur de Nôordzêe. Under verspreidienge komt overêen met 't dêel van West-Vloandern teegn de kust en Frans-Vloandern toet an Boulogne.
Levenswyze
De Morienn bouwdign under huuzn an de kant van de natte polders up land die gedraineerd was voa te boern, en up een kunstmoatigen heuvel die een pol of een terp wordt genoemd. Overbluufsels van zoan pols kunn nog olsan in 't landschap gezien wordn. Een vôorbêeld doavan is 't nateurreservoat den 'Uitkerkse Polder'.[1]
Ze woarn succesvulle boern omdat de ground zoa vruchtboar was. Overbluufsels van dykn en Romeinse grachtn zyn gevoundn. Ze voerdn handle met de Brittn in Kent en de Bataviërs in Olland.
Geschiedenisse
Julius Caesar was voarol in 't gebied van de Morienn g'interesseerd omdat 't de kortste oversteek noar Iengeland was. De Morienn haan wel under eign haavn Portius Itius, moa Caesar concentreerdig em up de streke round Wissant woadat den ofstand 't korste was. Deurdat under gebied een miengsel van moerassn en bussn was, wodan de Morienn under kostn verduukn, hèt Caesar noais de hêle streke van de Morienn veroverd. Dat is wel gebeurd ounder zyn upvolger Augustus, die under inlyfde in de Romeinse provincie Belgica.
Referentie
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
