From Wikipedia, the free encyclopedia
't Meetjesland is e landelikke regio in 't nôordwestn van de provincie Ôost-Vloandern tusschn Gent en Brugge met Eeklo als centrumstad. In 't nôordn grenst 't an Zêeuws-Vloandern (Holland), in 't westn an de provincie West-Vloandern en in 't ôostn en 't zuudn an de regio Gent. 't Meetjesland is sedert 1998 één van d'officieel erkende Vlamsche regionoale landschappn.
D'r doen verschillige legendes de rounde over de noame Meetjesland. Eén d'r van stamt uut den tyd van Karel V. Uut schrik vo de beruchte seksuele gouste van de keizer stoakn d'inweuners hunder dochters weg. De keizer zoudt doarip gezeid hen da 't e land was van oude meetjes.
Een andere verkloarienge is dat de noame verwyst noa de lange smalle strooksjes ground (meetjes) die typisch zyn vo de streke.
Ook Zelzoate en Wachtebeke moakn historisch dêel uut van 't Meetjesland, moa ze liggn nu geografisch apart deur den anleg van de Sassevoart, de voorloper van 't kanoal Gent-Terneuzn en d'uutbreidienge van Gent.
't Regionoal Landschap Meetjesland is den 30stn november 1998 gestart in vuuf gemêentes: Assenede, Eeklo, Kapryke, Moaldegem en Sint-Laureins. In 2007 is 't uutgebreid me nog vuuf gemêentes: Woarschoot, Lovendegem, Zomergem, Nevele en Knesseloare. Doadeure krygt bykan hêel 't Meetjesland extra meugelikheedn vo nateure en landschap.
Neffest 't provinciebesteur en de gemêentebesteurn zittn ook verteegnwoordigers van de lokoale Polders en Woateriengn, de touristische en recreatieve verênigiengn, landbouworganisoaties, nateurverênigiengn, wildbeheer, de Provincioale visscherycommissie, verênigiengn vo cultuur en streekountwikkelienge in d'algemêne vergoarienge.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
