Lyste van Rôoms-Duutsche keuniengn en keizers van 't Hillig Rôoms Ryk

Hier volgt de lyste van Rôoms-Duutsche keuniengn en keizers van 't Hillig Rôoms Ryk en under stamboom.

Woapn van de keizers

Der woarn tusschn 924 en 962 gin keizers mè gekrôond gewist. Achter da de Karoliengers in 911 uutgestorvn woarn in Oost-Francië, was Konrad I de verkoozn ipvolger van Lodewyk et Kiend. Je was den ênigste keunienk van 't Huus van de Konradyners.

Konrad I gaft den anzet tout et vormn van e grôot Duuts Ryk, deur Hendrik de Veugeloare van 't Saksisch Huus van de Liudolfiengers an te duudn ols zyn ipvolger.

In 962 kost Otto I, zeune van Hendrik de Veugeloare 't Rôoms Ryk herstelln. Je wierd da joar gekrôond tout keizer. Achter de krônienge van de drie keizers Otto I, Otto II en Otto III wierdn de Liudolfiengers ook Ottoonn genoemd.

't Ryk van Karel de Grôotn

• Karel I (Karel de Grôotn)
• Lodewyk I (Lodewyk de Vroomn)
• Lotharius I

De keuniengn en keizers in Ôost-Francië

Karoliengers

Portreit	Noame	Keunienk	Nota ‘s
	Lodewyk II (Lodewyk den Duuts)	843-876:	Keunienk van Ôost-Francië
	Karloman van Beiern	876-880:	Allêne keunienk van Beiern
	Lodewyk III Lodewyk de Joungn	876-882: 880-882:	Allêne keunienk van Saksn Ook van Beiern en Lotharingen
	Karel II of Keizer Karel III (Karel den Dikkn)	876-882: 882-887: 881-888:	Allêne keunienk van Zwaabn Keunienk van hêel Ôost-Francië mè Lotharingen Keizer
	Arnulf van Karinthië	887-899: 887-895: 896-899:	Keunienk van Ôost-Francië Ook mè Lotharingen Keizer
	Zwentibold	895-900:	Allêne keunienk van Lotharingen
	Lodewyk IV Lodewyk et Kiend	899-911	Keunienk van Ôost-Francië, van 900 mè Lotharingen

Konradyners

Portreit	Noame	Keunienk	Nota ‘s
	Konrad I	911-918:	Keunienk van Ôost-Francië

Kykt ook no:

De Rôomse keizers van 800-924

De Rôoms-Duutsche keuniengn en keizers

Ottoons Huus

Portreit	Noame	Leevn	Keunienk	Keizer	Nota's
	Hendrik I (Hendrik de Veugeloare) (Heinrich I der Vogler)	876 - 2 juli 936	919–936	gin keizer	Stichter van 't Rôoms-Duuts Ryk
	Otto I (Otto de Grôotn) (Otto I der Große)	23 november 912 - 7 meie 973	936–973	962–973	Zeune van Hendrik I. Ipvolger van de keizers van 't Rôoms Ryk achter de môord ip Berengar van Friuli in 924
	Otto II	955 - 7 december 983	961 – 983	967–983	Zeune van Otto I
	Otto III	juni/juli 980 - 23 januoari 1002	983-1002	996-1002	Zeune van Otto II
	Hendrik II (Heinrich II)	6 meie 973/978 - 13 juli 1024	1002–1024	1014–1024	Zeune van Hendrik II van Beiern

Salisch Huus

Portreit	Noame	Leevn	Keunienk	Keizer	Nota's
	Konrad II	ca.990 - 4 juni 1039	1024–1039	1027–1039	Zeune van Hendrik van Speyer
	Hendrik III (Heinrich III)	28 oktober 1017 - 5 oktober 1056	1028–1056	1046–1056	Zeune van Konrad II
	Hendrik IV (Heinrich IV)	11 november 1050 - 7 ogustus 1106	1053–1087	1084–1105	Zeune van Hendrik III
	Konrad (III) (Konrad II van Italië)	12 februoari 1074 - 27 juli 1101	1087–1098	gin keizer	Zeune van Hendrik IV
	Hendrik V (Heinrich V)	1081 of 1086 - 23 meie 1125	1099–1125	1111–1125	Zeune van Hendrik IV

Huus Supplinburg

Portreit	Noame	Leevn	Keunienk	Keizer	Nota's
	Lotharius II (Lothar II)	juni 1075 - 4 december 1137	1125–1137	1133–1137	Zeune van groaf Gebhard van Supplinburg

Huus Hohenstaufn

Portreit	Noame	Leevn	Keunienk	Keizer	Nota's
	Konrad III	1074 - 15 februoari 1152	1138–1152	gin keizer	Zeune van hertog Frederik I van Swaabn. Je benoemde zyn oudste zeune Hendrik Berengar in 1147 tout co-keunienk, mo Hendrik stierf ol in 1150 nog vo zyn voader
	Frederik I (Friedrich I Barbarossa)	1122 - 10 juni 1190	1152–1190	1155–1190	Zeune van hertog Frederik II van Swaabn
	Hendrik VI (Heinrich VI)	1165 - 28 september 1197	1190–1197	1191–1197	Zeune van Frederik I Barbarossa
	Filip van Swaabn (Philipp von Schwaben)	februoari/moarte 1177 - 21 juni 1208	1198–1208 Betwist deur Otto IV	gin keizer	Zeune van Frederik I Barbarossa. Vermôord.

Huus Welf

Portreit	Noame	Leevn	Keunienk	Keizer	Nota's
	Otto IV (Otto IV von Braunschweig)	1175 - 19 meie 1218	1198–1215 Van 1208 êenigste keunienk	1209–1215	Zeune van Hendrik de Lêeuw, hertog van Saksn en Beiern, en Mathilde Plantagenet, dochter van Hendrik II van Iengeland Ofgezet in 1215

Huus Hohenstaufn

Portreit	Noame	Leevn	Keunienk	Keizer	Nota's
	Frederik II (Friedrich II)	26 december 1194 - 13 december 1250	1212–1220	1220–1250	Zeune van keizer Hendrik VI en Constance van Sicilië
	Hendrik (VII) (Heinrich (VII))	1211 - 12 februoari ? 1242	1220–1235	gin keizer	Zeune van keizer Frederik II en Constance van Aragon
	Konrad IV	25 april 1228 - 21 meie 1254	1237–1254	gin keizer	Zeune van keizer Frederik II en Isabella II van Jeruzalem

Interregnum (teegnkeuniengn)

Portreit	Noame	Leevn	Keunienk	Keizer	Nota's
	Hendrik Raspe (Heinrich Raspe)	1204 - 16 februoari 1247	1246–1247	gin keizer	Landgroaf van Thüringen
	Willem II van Holland (Wilhelm von Holland)	februoari 1227 - 28 januoari 1256	1247–1256	gin keizer	Groaf van Holland en Zêeland (1234–1256)
	Richard van Cornwall (Richard von Cornwall)	5 januoari 1209 - 2 april 1272	1257–1272	gin keizer	Twidde zeune van den Iengelsche keunienk Jan zounder Land
	Alfons X van Castilië (Alfons von Kastilien)	23 november 1221 - 4 april 1284	1257–1273	gin keizer	Keunienk van Castilië en León. Klêenzeune van Filip van Swaabn.

Huus Habsburg

Portreit	Noame	Leevn	Keunienk	Keizer	Nota's
	Rudolf van Habsburg (Rudolf von Habsburg)	1 meie 1218 - 15 juli 1291	1273–1291	gin keizer	Groaf Rudolf IV van Habsburg, zeune van groaf Albrecht IV, en den êeste Rôoms-Duutsche keunienk van 't Huus Habsburg als Rudolf I

Huus Nassau

Portreit	Noame	Leevn	Keunienk	Keizer	Nota's
	Adolf van Nassau (Adolf von Nassau)	ca. 1255 - 2 juli 1298	1292–1298	gin keizer	Groaf van Nassau

Huus Habsburg

Portreit	Noame	Leevn	Keunienk	Keizer	Nota's
	Albrecht I (Albrecht I von Habsburg)	juli 1255 - 1 meie 1308)	1298–1308	gin keizer	Oudste zeune van Rudolf I

Zyn klêenzeuns, d’hertoogn Albrecht III en Leopold III van Ôostnryk splitstn de Habsburgers in twi takkn:

• Albrecht III was de grotvoader van hertog Albrecht V van Ôostnryk, loater Rôoms-Duutsche keunienk als Albrecht II.
• Leopold III was de grotvoader van Albrecht II zyn ipvolger: keizer Frederik III, voader van Maximiliaan van Ôostnryk.

Huus Luxemburg

Portreit	Noame	Leevn	Keunienk	Keizer	Nota's
	Hendrik VII (Heinrich VII)	ca. 1275 - 24 ogustus 1313	1308–1313	1312–1313	Den êeste keizer van ‘t Huus Luxemburg

Huus Wittelsbach

Portreit	Noame	Leevn	Keunienk	Keizer	Nota's
	Lodewyk IV Lodewyk den Beier (Ludwig der Bayer)	1 april 1282 - 11 oktober 1347	1314–1347 (van 1346 in oppoziesje me Karel IV)	1328–1347	Zyn moeder Mathilde was d’oudste dochter van Rudolf I

Huus Habsburg

Portreit	Noame	Leevn	Keunienk	Keizer	Nota's
	Frederik de Schôonn (Friedrich der Schöne)	ca. 1289 - 13 januoari 1330	1314–1330 (Antikeunienk teegn Lodewyk den Beier)	gin keizer	Zeune van Albrecht I

Huus Luxemburg

Portreit	Noame	Leevn	Keunienk	Keizer	Nota's
	Karel IV geboorn Wenceslaus (Václav) (Karl IV)	14 meie 1316 - 29 november 1378	1346–1378	1355–1378	Den êeste keunienk van Boheemn die ook keizer kwam
	Wenceslaus (Václav) (Wenzel)	26 februoari 1361 - 16 ogustus 1419	1376–1400	gin keizer	Ofgezet in 1400 mo je blêef keunienk van Boheemn toet an zyn dôod

Huus Wittelsbach

Portreit	Noame	Leevn	Keunienk	Keizer	Nota's
	Ruprecht I (Ruprecht von der Pfalz)	5 meie 1352 - 18 meie1410	1400–1410	gin keizer	Je was als Paltsgroaf een van de vier keurvorstn die keunienk Wenceslaus ofgezet haan en in 1400 wierd ie zelve verkoozn

Huus Luxemburg

Portreit	Noame	Leevn	Keunienk	Keizer	Nota's
	Jobst van Moravië (Jobst von Mähren)	ca. 1354 - 18 januoari 1411	1410–1411	gin keizer	Markgroaf van Moravië en keurvorst van Brandnburg.
	Sigismund (Sigismund von Luxemburg)	14 februoari 1368 - 9 december 1437	1411–1437	1433–1437	Keurvorst van Brandnburg. Zeune van keizer Karel IV. ’t Latste mannelyk lid van ’t Huus Luxemburg

Achter zyn dôod stierf et Huus Luxemburg uut. Zyn êenigste dochter Elisabeth erfde Hongareye, Duutsland en Boheemn. Ze trouwde mè de Habsburger, hertog Albrecht V van Ôostnryk, die Sigismund ipvolgde als keunienk Albrecht II.

Huus Habsburg (1438–1740)

Portreit	Noame	Leevn	Keunienk	Keizer	Nota's
	Albrecht II	10 ogustus 1397 - 27 oktober 1439	1438–1439	gin keizer	Hertog van Ôostnryk als Albrecht V, van den tak van d' Albertynn.
	Frederik III (Friedrich III)	21 september 1415 - 19 ogustus 1493	1440–1493	1452–1493	Êeste keizer van ’t Huus Habsburg. Hertog van Ôostnryk als Frederik V, van den tak van de Leopoldynn.
	Maximiliaan I (Maximilian I)	22 moarte 1459 - 12 januoari 1519)	1486–1519	1508–1519	Zeune van Frederik III en Eleanora van Portugal. Je trouwde in 1477 me Maria van Bourgondië, d’erfgenoame van de Bourgondische Nederlandn. Achter heur dôod in 1482 begost de periode van de Habsburgsche Nederlandn.
	Keizer Karel V (Karl V)	24 februoari 1500 - 21 september 1558	1519–1530	1520/1530-1556	Zeune van Filips de Schôonn en Johanna de Woanzinnige. Achter zyn trôonsofstand in 1555–1556 wierd zyn weireldryk gesplitst in e Spoanschn tak, te begunn by zyn voader Filips I en een Ôostnrykschn tak te begunn by zyn broere Ferdinand I.
	Ferdinand I	10 moarte 1503 - 25 juli 1564	1531–1564	1556/1558-1564	Joungere broere van keizer Karel V. Je volgde zyn broere ip als keizer in 1556, officieel in 1558 (dôod van Karel)
	Maximiliaan II (Maximilian II)	31 juli 1527 - 12 oktober 1576	1562–1576	1564–1576	Zeune van keizer Ferdinand I en Anna van Boheemn
	Rudolf II	18 juli 1552 - 20 januoari 1612	1575–1612	1576–1612	Zeune van keizer Maximiliaan II en Maria van Spanje. In 1583 verplatste Rudolf ’t keizerlyk hof van Weenn no Praag, dat in 1526, achter ‘n dôod van Lodewyk II van Hongareye in handn van de Habsburgers was gekommn.
	Matthias	24 februoari 1557 - 20 moarte 1619	1612–1618	1612–1619	Broere van keizer Rudolf II. Gin jounges. Je was landvoogd van de Nederlandn van 1578 toet 1581.
	Ferdinand II	9 juli 1578 - 15 februoari 1637	1618–1637	1619–1637	Zeune van Karel II van Ôostnryk, de joungste broere van keizer Maximiliaan II. Je volgde zyn kozyn Matthias ip, die gin jounges haad. Zyn anstellienge als keunienk van Boheemn in 1617 verôorzakte de Dertigjoarign Oorloge (1618–1648).
	Ferdinand III	13 juli 1608 - 2 april 1657	1636–1653	1637–1657	Zeune van keizer Ferdinand II en Maria Anna van Beiern. De Dertigjoarign Oorloge blêef nog elf joar deurn en endigde in 1648 met de Vrede van Westfaaln.
	Ferdinand IV	8 september 1633 - 9 juli 1654	1653–1654	gin keizer	Oudste zeune van keizer Ferdinand III en Maria Anna van Spanje, dochter van Filips III van Spanje. Je stierf an zyn 20 joar.
	Leopold I	9 juni 1640 - 5 meie 1705	1654–1690	1658–1705	Joungere broere van keunienk Ferdinand IV
	Jozef I (Joseph I)	26 juli 1678 - 17 april 1711	1690–1711	1705–1711	Oudste zeune van Keizer Leopold I en Eleonora van Palts-Neuburg
	Karel VI (Karl VI)	1 oktober 1685 - 20 oktober 1740	1711–1740	1711–1740	Joungere broere van keizer Jozef I. Voader van Maria Theresia, die trouwde me Frans I, den hertog van Lotharingen. Ze woarn de stichters van ’t Huus Habsburg-Lotharingen.

Interregnum (1740–1742)

Huus Wittelsbach

Portreit	Noame	Leevn	Keunienk	Keizer	Nota's
	Karel VII (Karl VII)	6 ogustus 1697 - 20 januoari 1745	1742–1745	1742–1745	Schonzeune van keizer Jozef I. Keurvorst van Beiern. Antikeunienk teegn Maria Theresia binst ‘n Ôostnryksche Successieoorloge

Huus Habsburg-Lotharingen

Portreit	Noame	Leevn	Keunienk	Keizer	Nota's
	Frans I Stefan (Franz I Stephan)	8 december 1708 - 18 ogustus 1765	1745–1764	1745–1765	Hertog van Lotharingen als Frans III Stefan. Getrouwd me Maria Theresia
	Jozef II (Joseph II)	13 moarte 1741 - 20 februoari 1790	1764–1790	1765–1790	Oudste zeune van Frans I en Maria Theresia. In 1789 kwoamn de Zudelikke Nederlandn teegn hem in ipstand. De revoluusje wordt de Broabantse Omwentelienge genoemd. In 1790 wierdn de Verênigde Nederlandse Stoatn gesticht.
	Leopold II	5 meie 1747 - 1 moarte 1792	1790–1792	1790–1792	Broere van Jozef II. J’hersteldeg et gezag van d' Ôostnrykers en je brocht een ende an de Verênigde Nederlandse Stoatn
	Frans II (Franz II)	12 februoari 1768 - 2 moarte 1835	1792–1806	1792–1806	Latste keizer van 't Hillig Rôoms Ryk. Van 1804 toet 1835 êeste keizer van Ôostnryk als Frans I.

Stamboom

Ofbeeldiengn die ier by passn ku je vien in de categorie Holy Roman Emperors van Wikimedia Commons.