Kluusberg

De Kluusberg (Nederlands: Kluisberg, Frans: Mont de l'Enlus) of kortweg de Kluus es nen getuugneuvel in 't interfluvium van de Schelde en de Dender en es geleegn in de Vlamsche Ardenn. De grenze tussn de Vloanders en de Woaln lopt van tweisn over de Kluusberg, die vo 'n eld in de Vlamsche fusiegemêente Kluusbergn en vo 'n andern eld in de Woalse fusiegemêente Mont de l'Enclus ligt.

't Kluusbus en recreoatie

De Kluusberg es verre hêel begroeid met beuknbus ('t Kluusbus). Der is een provincioal domein Kluisbos met een open zwembad (3 verwarmde openluchtboadn en ne springtoorn) en o de westkant zyn der nogol wa horecazoakn vo de wandeleirs en fietsers. Centroal in 't bus ligt de taverne "De vierschaer", ip de plekke woadat vroeger de vierschaar wos gelegen.

In de koerse

Kluusberg (Fransche kant)
Top	93 m
Locatie	Vlamse Ardenn
Begunplekke	Orroir
Ôogteverschil	63 m
Lengte	1.025 m
Stygings-% (gem)	6,1 %
Steilste stik	12 %
Bestroatienge	asfalt

Kluusberg (Vlamsche kant)
Top	93 m
Locatie	Vlamse Ardenn
Begunplekke	Ruien
Ôogteverschil	66 m
Lengte	1.100 m
Stygings-% (gem)	6 %
Steilste stik	11 %
Bestroatienge	asfalt

De Kluusberg es ôok een begrip in de koerse, surtout van uut de Rounde van Vloandern, woarin dat ie ol vele es "gedoan".

Ge kunt de Kluusberg van o weerskantn ipryen, van de Vlamsche kant (vanuut Ruien: Buissestroate, Bergstroate) en vanuut de Franse kant (vanuut Orroir: via de Rue de la Montagne en de Enclus de haut). Der zyn nog twêe minder gekende maniern: e variant ip de beklimmienge langs de Vlamsche kant (langs de Boskouter in plekke van de Bergstroate) en e Fransche beklimmienge vanuut het gehuchtje Renard tussen Orroir en Amougies.

In de ronde doen ze mêestol de beklimmienge langs de Vlamsche kant (de coureurs komn ton van Oudenoarde), woarachter dan ze de Kluus no beneen ryen langs de Fransche kant om ton de Knokteberg te doen.

Ook in de Omloop Het Volk en in Kuurne-Brussel-Kuurne ryen ze soms langs de Kluusberg. In Gent-Wevelgem ein z'em ol 6 kêers gedoan: vier kêers langs de Fransche kant (1935, 1954-1956), twêe kêers langst de Vlamse kant (1960, 1977).

Kluusberg (Renard)
Top	98 m
Locatie	Vlamse Ardenn
Begunplekke	Orroir
Ôogteverschil	73 m
Lengte	1.500 m
Stygings-% (gem)	4,7 %
Steilste stik	10 %
Bestroatienge	asfalt

Kluusberg (Boskouter)
Top	140 m
Locatie	Vlamse Ardenn
Begunplekke	Ruien
Ôogteverschil	112 m
Lengte	1.700 m
Stygings-% (gem)	6,0 %
Steilste stik	21 %
Bestroatienge	asfalt