Karel "Koarle" van Wijnendaele (Toeroet, 16 november 1882 - Deinze, 20 december 1961) was een sportjournalist en den iprichtr van de Rounde van Vloandern.
Karel Van Wijnendaele wier geboorn in 1882 in Wyndoale by Toeroet ounder de noame Karel Steyaert ols vuuvden in de reke van 15 kienders. Ip zyn 14ste moest ie ol goan werkn. Je probeerde vanolles en zelfs coureur, de sport die hèèl ze leven zun passie zoe wordn. Je was stief goed me zyn penne en je schreef vo verschillende gazetten, ounder andre over koersen.
In september 1912 wier de gazette De Sportwereld ipgericht, wo da Karl Van Wijnendaele ook journalist by was. Utendelik wiert ie in 1931 zelfs eigenoare van de gazette. Je wier deur iederêen in Vloandern geleezn vo de prachtige maniere worip dat ie over koersen schryft. Sommigste noemn em zelfs de nieuwe Conscience omdat ie de Vlamse coureurs zo eldaftig kost portreteern. Je zoe zelfs den uutviender zyn van et woord 'Flandrien'. Ook os De Sportwereld in 1939 deur Het Nieuwsblad overgepakt wier bleeft ie oofd van de sport. Je vount et koersen een maniere vo de Vlamsche ountvoogdinge 't oundersteun.
In 1913 organisêrdet ie den èèste Rounde van Vloandrn. De koers moest van de zelfst' allure zyn lik de Fransche klassiekers. Ze gienk over 330 km, passèrde de vornamste Vlamse steedn en de Vlamse 'bergn'. Den èèste winnoare was Paul Deman, die 't joar doarip Bourdeaux-Parys woen.
Karel Van Wijnendaele stierft ost ie 79 joar oed was in december 1961. In de zomer van da joar aat ie nog de Rounde van Frankryk meegevolgd.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
