Karel Mestdagh
From Wikipedia, the free encyclopedia
Remove ads
Karel Mestdagh (Brugge, 23 oktober 1850 - Brugge, 10 moarte 1924) was e West-Vlamsche componist.
Je kwam ol styf jounk in contact mè muziek. Je krêeg zyn êeste lessn van zyn voader, die koster en schoolmêester was. Je speeldege orgel vanof zyn 7 joar. Ook loater had ie 't geluk van goeie lêroars teegn te kommn. In 't St.-Lodewykscollege van Brugge woarn da Hugo Verriest en Busschaert, die hem Bach en Palestrina lêerdegen kenn'n. In de gemêentelike muziekschole van Brugge krêegt ie lesse van Hendrik Waelput en van Leo van Gheluwe. Loater wast ie ook lêerlienk van François-Auguste Gevaert en van Peter Benoit.
Tusschn 1867 en 1870 gienkt ie noa Duutsland en je studeerde doar in Leipzig. Achter dat ie werekêerde wast ie landmeter van beroep moa je blêef liedern componeern.
J' ha styf vele talent vo muziekschryvn. Je schrêef verschillige cantaten en melodieuze volksliedern lik "Blijheidslied", "De Schelde", "De beiaard", "Door de Nederlanden" en "Jan Rolder".
Vo de 600ste verjoardag van de Guldensporenslag in 1902, schrêeft ie de cantate "De zege van Groeninge", gebaseerd op den tekst van Théodore Sevens.
Van 20 oktober tout an zyn dôod in 1924 wast ie directeur van de Brugse muziekschole.
In Brugge is ter e stroate noar hem vernoemd, de Karel Mestdaghstroate.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads