Joris Dumery
Zuud-needrlansche klokkegietre uut d' achtiende êewe From Wikipedia, the free encyclopedia
Zuud-needrlansche klokkegietre uut d' achtiende êewe From Wikipedia, the free encyclopedia
Joris Dumery (Opzullik, 1715 - Brugge, 1 ogustus 1787) was een bekende klokkegietre en bowre van verschillnde beijoars.
Y was getrowd mê Maria d'Hondt uut Hilvarenbeek (Nôord-Broabant), die stamde uut e famielje van orloozjemoakrs. Y gienk in de lêer by Alexius Jullien in Lier en werkte vanof 1736 lik zeifstandige klokkegietre.
Vo de bow van de niewe beijoard in d' alletorre van Brugge kwamtn in 1744 in die stad weunn en wierdr pôortre in 1750. Y goot al de 47 klokkn van de beijoard. Sommigte doavan wordn nu bewoard in 't Gruutuuzemuseum. Y gôot ook de beijoars van Tielt, Kortryke, Oarelbeke en Toeroet in West-Vloandern en vors van Sint-Martens-Lierde, Oalst, Zottegem, Ninove, Edingen en Chimay.
Ook gôotn ofzoenderlikke klokkn vo d' Antwerpsche Sint-Jakobskerke, vo de Mechelsche Sint-Romboutskateedroale, vo de Brugsche kerken gewyd an Sint-Salvator, Sint-Gillis en Sint-Anna en vo veele dorpskerkn.
Y gôot ook bronzn kunstvôorwerpn, lik de dolfyne die lik oopnboare woatrepoempe wierd geplatst an 'het staelyser' (nu in 't binnen'of van 't Groeniengemuseum).
Zyn zeune, Willem (1745-1793), vôgde zyn voadre ip in 1784. Noast klokkn, gôot y ook kooprn en broenzn kandloars, kruusbeeldn en kôorlessenoars. Vo de Sint-Walburgakerke in Brugge, gôot y e kooprn leezenoare.
Willem wierd ipgevôgd deur zyn twêe zeuns, Willem jr. (1772-1848) en Jacob (1773-1836), die dezeifste stiel deejn. Zysre gôotn klokkn vo 't Oed Sint-Jan in Brugge.
De produuksje wierd bemoejlikt deur de Fransche Rivoluusje. Achtre 't oovrelien van de broers wierd 't bedryf nog e poar joar vôortgezet toe in 1855.
Lik êerbetôon an Joris Dumery wierd e dêel van de Boeveriestroate êrdopt no Joris Dumerypling en wierdr 'n oetn staketsle mê klokke geplatst.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.