Joachim Coens

Joachim Coens (Brugge, 6 september 1966) is e West-Vlamsche manager en polletieker by de CD&V. J'is vo de moment burgemêester van Damme. Je was boas van d'have van Zêebrugge tusschn 2001 e 2009 en voorzitter van de CD&V tusschn 2019 en 2022.

Dit artikel es geschreevn in 't Brugs, en da zou best ozô bluuvn.

---

Joachim Coens

Polletiek

Joachim Coens is achter z'n voader Daniël Coens in de polletiek gegoan. Van 1995 toe in 2001 zaat y in 't Vlams parlement. Je was ook scheepn in Damme sedert 1995. Achter 't dôdelik otto-accident van burgemêester Dirk Bisschop in meie 2014, is beslist van êeste scheepn Coens te benoemn toet burgemêester van Damme.

D'Have van Zêebrugge

Joachim Coens is burgerlik bouwkundig ingenieur van ipleidienge, en eit êest in nen bouwfirma gewerkt in 't buutnland (Dubai en Oost-Europa). Achter z'n nationoale pollitieke carrière is't y begunn by de Maritiem, de Moatschappy van de Brugse Zêevoartinrichtiengn (MBZ), woar dat y gedillegird besteurder was. Onder z'n bestier is d'have ferme gegroeid, 't containerverkêer bevôorbild is me 33% gesteegn in drie joar tyd.

Externe koppeliengn

• Damme CD&V
• Port of Zeebrugge