D' intevissn (Cephalopoda, van 't Oudgrieks κεφαλή / képhalé, « kop », en πούς / pous, « pôot », letterlik koppôotign) vormn e klasse van de molluuskn. Intevissn wordn azo genoemd omdan z' in stoat zyn van inte te speitn woadeure dan z' under goed kunn camoufleern. Ze zyn ook in stoat van te verandern van kleur en azo kunn z'under perfect anpassn an den oendergroend. Der zyn ook sôortn die gebruukmoakn van bioluminescentie (viezn).
Intevissn leevn allêene moar in zout woater, in al de weireldzêen. De mêeste groein rap en leevn mor êen toet twêe joar.
Ze verplatsn under deur woater in under mantel te pompn en der were krachtig uut te persn langs de sifong. Al d' intevissn zyn vlêeseters. Under eetn bestoat surtout uut vis, krabbn, kriftn en molluuskn die gevangn wordn met de zuugnappn ip under grypoarms. Z èn een harte poapegoaiachtign bek en de mêeste sôortn èn ook nog e rasptoenge (de radula) vo de prôoie in stiksjes te scheurn.
Al d' intevissn plantn under vôort via eiers. D'eitjes wordn bevrucht deur 't sperma van de vintjes. 't Antal eiers dat e wuuvetje kan produceern varieert van 30 tot 500.000.
Taxonomie
Volgens World Register of Marine Species (23 december 2013):
- Subklasse Coleoidea
- Superorde Decapodiformes
- Orde Myopsida
- Orde Oegopsida
- Orde Sepiida
- Orde Spirulida
- Superorde Octopodiformes
- Orde Octopoda
- Orde Vampyromorpha
- Superorde Decapodiformes
- Subklasse Nautiloidea
- Orde Nautilida
 |
Ofbeeldiengn die ier by passn ku je vien in de categorie Cephalopoda van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
