From Wikipedia, the free encyclopedia
Frascati es nen Italioanschn stad en gemêente binn'n de metropolitoane stad Rome Ôofdstee in de regio Lazio. 't Ligt o de zuudôostkantn van Rome zelve, ip apeupri 22 kilomèiters van't center van Rome. Frascati ligt ip êen van d'Alboanse Euvels en es vrêe gekend vo zyn sjieke villa'ts en de gelyknoamign wittn wyn.
Frascati | |
---|---|
Frascati binn'n de metropolitoane stad Rome | |
Regio | Lazio |
Provinsje | Rome Ôofdstee (metropolitoane stad) |
Coördinoatn | 41°49′NB 12°41′OL |
Ippervlak | 22,48 km² |
Inweuners | 22.452 (2017) 998,75 inw./km² |
Postcode | 00044 |
Website | Officiële site van Frascati |
Frascati grenst an de gemêentn Grottaferrata, Monte Porzio Catone en an 't stad Rome zelve. De gemêente bestoat uut dertien wykn en gehuchtn (frazioni): Cisternole, Cocciano, Colle Pizzuto, Colle Reti, Macchia dello Sterparo, Pantano Secco, Prataporci, SS. Apostoli, Selvotta, Spinoretico, Vermicino, Villa Muti en XXIII Rubbia.
Frascati es gekend vo zyn sjieke buutnverblivvn, die gebouwd wierd'n vanof de zestiende êeuwe deur teffrente an pausn, kardinoaln en and're rykke mienschn uut Rome vo uldern elitaire stoatus te shown, mêestol in renaissance-styl. Die villa'ts woarn surtout ôok bedoeld vo weg te zyn van't drukke Rome en der fêestjes en and're socioale evenementn t'organizeern. De mêeste villa'ts zyn goe bewoard of zyn gerestoreerd gewist achter da ze g'abimeerd woarn byst d'n Twiddn Weireldoorloge.
De villa'ts ein nu mêestol de noame van de familjes die z'ein loatn bouwn, de bekendste zyn:
Bist d'n twiddn elft van de joarn 1950 wierd d'n êestn dêeltjesversneller van Itoalië in Frascati ountwikkeld deur 't Istituto Nazionale di Fisica Nucleare (INFN). 't INFN eit er nog olsan e grôo labo vo dêeltjesfiezieka. In Frascati liggn ôok nog and're laboots:
De "Frascati-andleydienge" van d'Organizoasje vo Econoomische Soamnwerkienge en Ountwikkelienge (OECD), die e methode es vo't ounderzoekn en verwerkn van statistiekn, es ipgesteld ip e vergoarienge in de Villa Falconieri in juni 1963.
In 1955 wierd'n in Frascati de Weireldkampioenschappn velokoerse g'oud'n. Den Antwerpenèir Stan Ockers eit er de koerse by de profs gewounn'n, vôorn de Luxemburger Jean-Pierre Schmitz en den Bellegemnoare Germain Derycke.
In Frascati wierd ol vuuf kêers nen arrivée g'oud'n van en étappe van de Rounde van Itoalië. De loatste kêe wos in 2019 ton da den Ecuadoroan Ricard Carapaz won (die uutendelyk ton ôok hil dien Giro gewounn'n eit).
Frascati es êen van de steed'n die verbroederd es mè Kortryk. And're zustersteedn van Frascati zyn Bad Godesberg (Duutsland), Windsor and Maidenhead (Iengeland) en Saint-Cloud (Vrankryk).
Ofbeeldiengn die ier by passn ku je vien in de categorie Frascati van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.