From Wikipedia, the free encyclopedia
Diederik van den Elzas, ouk enoamd Diederik I, (ca. 1099 - 4 januoari 1168, Woatn (Vrankryk)) was Groaf van Vloandern van 1128 tout an zyn dôod. Van den Elzas dei mei an de Twidde Kruustocht.
ca 1099 - 1168 | ||||||
---|---|---|---|---|---|---|
Groaf van Vloandern | ||||||
|
||||||
|
Diederik I wos e zeune van ertog Diederik van Opper-Lotharingn e Gertrude van Vloandern, die de dochter wos van Robrecht I van Vloandern. Ton da Karel den Goein dôod wos (1127) koste Diederik van den Elzas, ol zyn moederskant, ansproake doen op Vloandern. Moar e wos ni n'ênigstn. Willem Clito zag dat ouk wel zittn, en 'ndien krêeg ulpe van Lodewyk VI, 'n keunink van Vrankryk. De Vlamsche steedn, surtout Brugge en Gent, koozn party vo van den Elzas. In 1128 wos 't elukt: van den Elzas wos groaf.
Diederik reisde vier kis no ‘t Hillig land:
Je trouwde doa mè Sibylle van Anjou, e dochter van keunienk Fulco van Jeruzalem, vodien Fulco V van Anjou. Je vocht mè zyn schônvoader in Gilead.
Je most zêre were kêern no Vloandern vo tusschn te kommn in e revolte in ‘t hertogdom Neder-Lotharingen, ton ounder Godfried III van Leuven.
Sibylle, die in verwachtienge was, blêef in Vloandern en ze was regente over ‘t Groafschap Vloandern.
In 1159 is Diederik weregekêerd no Vloandern, mo zounder zyn vrouwe. Zy wilde doa bluuvn vor in ’t klôoster van St. Lazarus te goan in Bethanië.
An de westkant van den Burg in Brugge stound et Stêen. Doa was ’t verbluuf van de groavn. Loater is under verbluuf verplatst no den overkant, no de Loove an den ôostkant. Neffest ’t Stêen liet Diederik van den Elzas ’n huuskapelle bouwn, de Sint-Basiliuskapelle, loater d’Hillig-Bloedbasilieke (van 1923 e basilieke).
Volgns ’n oude overleverienge zoudt ie, achter de twidde kruustocht, uut et Hillig land were gekêerd zyn mè de relikwie van ’t Hillig Bloed. Je zou de relikwie doa gekreegn hen van zyn schônbroere Boudewyn III, keunienk van Jeruzalem, en de 7stn april 1150 no de Sint-Basiliuskapelle gebrocht hen.
Zyn êeste vrouwe was Margaretha van Clermont (of Swanhilde) († 1132), de weeuwe van Karel de Goein. Met heur had ‘n êen dochter: Lauretta, die getrouwd was mè Hendrik den Blendn, groaf van Noamn en Luxemburg.
In 1139 ist ie hertrouwd mè Sibylle van Anjou, die getrouwd gewist was mè Willem Clito, mor under huwelik was wel g'annuleerd. Met heur had ‘n vier zeuns en drie dochters:
Diederik is begroavn in d’abdye van Woatn, tusschn Saint-Omer en Gravelines.
Ofbeeldiengn die ier by passn ku je vien in de categorie Thierry of Flanders van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.