Broekburg (Frans: Bourbourg) es e stad en gemêente in Vrankryk in 't Noorderdepartement. 't Ligt in Frans-Vloandern in de Fransche Westoek, mêer bepoald in 't Blootland. 't Grenst an de gemêentn Kroaiwyk, Broekkerke, Loberge, Kapellebroek, Sint-Pietersbroek, Sint-Maria-Kerke, Saint-Folquin en Sint-Joris.
 BroekburgBourbourg | |
|---|---|
.svg) | |
 Broekburg in't arroundissement Duunkerke | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Duunkerke |
| Kanton | Grôot-Sintn |
| Coördinoatn | {{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL |
| Ippervlak | 38,49 km² |
| Inweuners | |
| Inweuners | 7112 (2016) 185 inw./km² |
| Andere | |
| Burgemêester | Francis Bassemon |
| Postcode | 59630 |
| Webadres | Officiëln site van Broekburg |
Langsn de westkant van Broekburg strôomt den Aa die der de grenze vormt tusschn 't Noorderdepartement en 't Nauw van Kales. Twèirs deur 't stad lôopt de Broekburgvoart, die den Aa verbiendt me de binn'nhoavns van Duunkerke.
O de nôordkantn van de gemêente ligt d'A16-ottostroade (en ounderdêel van d'E40 tusschn Duunkerke en Kales). In Broekburg ester ôok e stoasje an d'yzerboane tusschn Duunkerke en Kales. In tydde woster nog e twidde stoasje Bourbourg-Saint-Nicolas, mêer o de zuudwestkantn van de gemêente, an de lynne van Broekburg richtienge Woatn en Sperleke die nu ipgebrookn es.
Toponymie
De noame Broekburg verwyst na de versterkienge die groaf van Vloandern Arnulf I iere te middn van de broekn (drassige wielandn die in de wintre overstrôomdign) teegn de Vikings liet bouwn. Round 't joar 800 es de plekke vo nen êeste kêe vermeld in't Latyn lyk Burgus in broco ip e karte van Malbrancq die den ôostelyke kant van den tonmoalign delta van den Aa toogt. In't Oud-Vlamsch est vo 'n êeste kêe vermeld lyk Broec borc in 't cartuloarium van d'abdeye van Gent van 987. De noame it derachter g'evolueerd na Brucburgh in 1035, Brucburch in 1037, Borburc in 1150, Brouburg in 1187 en Brouborgh in 1309.
Beziensweirdigeedn
- De Sint-Jan-den-Dooperkerke dateert ôorsprounlyk van de dertiende êeuwe en es in 1920 erkend lyk istorisch monument.
- De gevel en dakbedekkienge van de cell'n van 't oud gevang wierden in 1972 erkend lyk istorisch monument.
- 't Sint-Jansgastuus, erkend sedert 1983 tôope mè 't gebouw van vroegere vismart en de pompiers.
- 't Uus van Edmond de Coussemaker en 't byligg'nde park, erkend sedert 2004.
De Sint-Jan-den-Dooperkerke
't Staduus van Broekburg
 |
Ofbeeldiengn die ier by passn ku je vien in de categorie Bourbourg van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
