From Wikipedia, the free encyclopedia
De roje wegslekke, roje slekke of beuterslekke (Arion rufus) es e noaktslekke die je dikkers ziet in uze lochtiengs.
De roje slekke es meestol en klene 10 cm lank, moa kut ook langer of 15 cm kommn. Z'es e poar centimeiters breed en es oranje, ro of bruun van kleur. D'r bestoat ook e zworte beuterslekke (Arion ater) ol zyn die twee ook wel e kee anziene lik dezelste sorte; toun es de roje beuterslekke Arion ater rufus genoemd. Under n'ounderkant es by olletwee oranje.
Ze droagt gin uus (noaktslekke) en èt e lank gerimpeld, slymerig lyf. De slekke èt twee voelsprietn, an 't ende stoan eur oogn. Oe je e slekke ambeteert, trekt ze eur voelsprietn zere were in. By gevoar kut z'eur helegansn ineenkrempn tout e bolletje.
Lik olle slekkn es ook de roje slekke buukpotig. Da wilt zeggn da under ounderlyf één grote spiere es die ze gebruukn voor under voort te beweegn. Die zole lat by 't kruupn e spoor va deurzichtig slym achter.
De witte rounde plekke van voorn an den zykant es e gat woadeure da z'oasemt en stoat in verbindienge mè eur enigste lounge (loungslekkn).
Roje noaktslekkn goa je vindn in vochtige geburtn lik lochtiengs, oovn, geskantn, weelandn en busschn. Ze leevn van plantn en paddestoeln. Ze zyn upvollend actief 's nuchtends, by 'n dauw, ou 't smoort en ou 't et gereind èt. Da komt omda dizze sorte van de drogte wit. Vo nie uut de droogn, verduukt z'eur by droog were in de schouwte van struukn of steenn.
De roje slekke komt oorsprounkelik ollene voorn in westelik en centroal Europa, moa deur commerciële export es ze ook in Noord-Amerika terechte gekommn.
Noaktslekkn zyn hermafrodietn oftewel tweeslachtige beestn. Da wil zeggn da ze zowel mannelikke lik vrouwelikke geslachtskliern èn. Moa d'r es gin sproake van parthenogenese, ze kut eurzelvn dus nie bevruchtn. De bevruchte slekke legt eur eiers in getjes in d'eirde. Achter en poar weekn kommn de joungn d'r toun uut.
By de voortbewegienge moakn roje slekkn e slymloage an die d'r nogol vettig uut ziet lik beuter, vandoar under noame.
 |
 |
 |
,_07-09-2024._(actm.).jpg) |
 |
Mêer ofbeeldiengn die ier by passn ku je vien ip Arion rufus ip Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
