11 meie - De Diamant-Sutra wordt geproduceerd in China, 't vroegst gedateerd nog bestoand gedrukt boek die nog compleet bewoard is gebleevn. 't Is e g'illustreerde boekrolle die ipgegroavn is in Dunhang (West-China).
't Groafschap Portucale (Portugal) wordt ipgericht roend de stad Portus Cale (nu Porto) achter dan de Moorn zyn verdreevn.
De stad Mérida (nu Spanje) komt in ipstand teegen 't kalifoat van de Umayyoadn. Emir Mohammed I herwint de controle en lat de meuren van de stad vernietign.
Alfred de Grôotn, keunink van Wessex en van d' Angelsaksers trouwt met Ealhswith, een edelvrouwe van 't keuninkryk Mercia. Ie steunt zyn broere Æthelred I by zyn keuze vor een alliansje an te goan mè Mercia.
Keunink Burgred van Mercia doet e beroep ip Æthelred I vor hem t' helpn te verweirn teegn 't Grôot Heidens leger (e Deens Vikingleger). De Vikings verovern Nottingham en bluuvn hêel de winter zoender ênigte serieuze teegnstand.