Valerius De Saedeleer (Aalst, 4 augustus 1867 - Leupegem, 16 september 1941) was e Vlamsche kunstschilder. Je schilderde uutgestrekte panoramische landschappn. Je was één van de schilders van den êeste groep van de Latemsche Schole.
Leevn en werk
Valerius De Saedeleer was de zeune van e fabrikant van zêpe. Teegn de gouste van ze voader giengt 'n noa d' Academie vo Schone Kunstn in Gent woa dat 'n in contact kwam met 't anarchistisch socialisme. Loater volgdet ie lesse by Franz Courtens in Brussel. Je trouwdege in 1889 in Aalst met Clémentine Limpens.
Je weunde êest e poar joar in Blanknberge en Wendune. Je was doa by een artistieke groeperienge De Zwarte Kat tegoare met kunstschilder Jules Gadeyne (1857-1936). Ze kwoamn tegoare in 't strangecafé A la Belle-Vue in Harendyke van Mietje Gadeyne, de zuster van Jules Gadeyne. Harendyke was één van de favoriete pleksjes van De Saedeleer. J'het er ook nog geweund in 't dunecafé de Bagatelle. In 1894 hè keuniginne Carolina van Saksen in de Bagatelle e schilderye van De Saedeleer gekocht vo 200 fr, e forse somme in dien tyd.
Doar achter het De Saedeleer ook in Lissewege geweund in e boerderytje langs de Ter Doeststroate. Eén van ze wienterlandschappn, geschilderd in Lissewege, hangt in 't Groeningemuseum in Brugge.
Je weunde ook in St.-Martens-Latem (1893), Afsnee, St.-Denys- Westrem en in Gent by George Minne. Je was doa lid van de Socialistische Partye.
In 1898 kêerdet ie were noa Latem. De schilderyen dat 'n makte tusschn 1904 en 1914 wordn anzien als zyn beste werkn.
Van 1908 tout 1914 weundet ie in Tiegem en in 1914 giengt 'n noar Iengeland. Je weunde in 't heuvelland van Wales.
Je kêerde in 1921 were noa Vloandern, êest in Etikhove toet in 1937 en achter da zyn vrouwe gestorvn was, de grotste klop van zyn leevn, giengt 'n by één van zyn dochters weunn in Leupegem, woa dat 'n ook gestorvn is den 16stn december 1941.
Varia
- In Blanknberge ist er e rampe noa de zêedyk vernoemd noa Valerius De Saedeleer: De Saedeleerhelling.
- In Lissewege en in Etikhove ist er e wegel noar em vernoemd: Valerius De Saedeleerpad.
- In Aalst ist er e Valerius De Saedeleerstroate.
Externe koppeliengn
 |
Ofbeeldiengn die ier by passn ku je vien in de categorie Valerius De Saedeleer van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
