Sleeswyk-Holstein (Duuts: Schleswig-Holstein) es êen van de zestien Duutsche dêelstoatn. Den hôofdstad es Kiel, andere belangryke steedn zyn Lübeck, Flensburg en Neumünster. Der weun'n e klêene 3 miljoen mienschn in Sleeswyk-Holstein
Geografie
Sleeswyk-Holstein ligt in't nôord'n van Duutsland, in't zuud'n van't schiereyland Jutland. De dêelstoat grenst an Denemarkn in't nôord'n, de Nôordzêe in't westn, den Ôostzêe en Mecklenburg-Voorpommern in't ôostn en Nedersaksn en Hamburg in't zuud'n. In't zuudwestn vormt de Elbe de schreve me Nedersaksn. Twis deur Sleeswyk-Holstein lôopt et Nôord-Ôostzêekanoal.
Toaln
Der zyn vier officiëlle toaln in Sleeswyk-Holstein: Duuts, Nedersaksisch, Nôord-Fries en Deens. 't Nedersaksisch ester erkend lyk streektoale, Deens en Nôord Fries lyk mindereydstoaln. Vodder va de reste wierd er ôok nog Zuud-Juts geklapt, e variant van't Deens. Ôok zyn der nog e pôote menschn in en round de stad Flensburg die Petuh kout'n, e miengelienge van stikkn Ôogduuts, Nedersaksisch, Deens en Sønderjysk.
De noame van de dêelstoat wierd in de vier toaln ezo uutgespookn:
- Duuts: Schleswig-Holstein
- Nedersaksisch: Sleswig-Holsteen
- Nôord-Fries (Friisk): Slaswik-Holstiinj
- Deens: Slesvig-Holsten
Administratieve indêlienge
Sleeswyk-Holstein es oenderverdêeld in 11 Kreise en 4 Kreisfreie Städte (grôte steedn die nie valn oender e Landkreis moa direct oender de dêelstoat):
Kreise
- Dithmarschen
- Ertogdom Lauenburg (Herzogtum Lauenburg)
- Nôord-Friesland (Nordfriesland)
- Ôost-Holstein (Ostholstein)
- Pinneberg
- Plön
- Rendsburg-Eckenförde
- Sleeswyk-Flensburg (Schleswig-Flensburg)
- Segeberg
- Steinburg
- Stormarn
Kreisfreie Städte
- Flensburg
- Kiel
- Lübeck
- Neumünster
Polletiek
De deelstoat weird sedert 28 juni 2017 geleid deur Daniel Günther van de CDU, in e koaliesje me de groene en FDP.
Ofbeeldiengn die ier by passn ku je vien in de categorie Schleswig-Holstein van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.