Sint Anna ter Mu

Sint Anna ter Mude (Zêeuws-Vlams: Sint Anna ter Mu, Nederlands: Sint Anna ter Muiden) is e stadje in de gemêente Sluus in westelik Zêeuws-Vloandern, an de Belgische grenze in de provincie Zêeland. D'r zyn 60 inweuners (2023). 't Is 't klêenste stadje van Holland en 't ligt ip 't mêest westelik punt.

Sint Anna ter Mude Sint Anna ter Muiden
Marktpling van Sint Anna ter Mude
Provinsje	Zêeland
Gemêente	Sluus
Coördinoatn	51°18′NB 3°21′OL
Ippervlak	km²
Inweuners	60 (2023)
Gemêente Sluus in Zêeuws-Vloandern

Geschiedenisse

Mude, lik da Sint Anna ter Mude vroeger noemde, krêeg stadsrechtn in 1242. In de Middelêeuwn was 't e belangryke commercestad en e vôorhoave van Brugge. Achter de verzandienge van d'hoave in de 14ste êeuwe kwynde de stad weg in 't vôordêel van Sluus. In 1405 wierd Mude, met uutzounderienge van de kerke, hêlegans platgebrand deur d'Iengelsche.

By de vastleggienge van de grenze tusschn de Republiek der Verenigde Provinciën en de Zudelikke Nederlandn, begun 17ste êeuwe, kwam Mude uutendelik juste in de Republiek te liggn. Vo 't verschil te kunn zien me 't Nôord-Hollandsche Muiden, wierd de noame van de beschermhillige an de platsnoame toegevoegd. 't Ênigste da nog overblêef van Sint Anna ter Mude was de klêne, rustieke weunkern die d’r nu nog alsan is, en woar dat den tyd lik is bluuvn stille stoan.

In 1967 is hêel 't stadje beschermd stadsgezicht gewordn.

In 1880 is Sint Anna ter Mude by de gemêente Sluus gevoegd, die in 1995 ounderdêel van de gemêente Sluus-Eirdnburg is gewordn en ton loater were ipgieng in de grottere fusiegemêente Sluus.

't Zien weird

• Stadhuus, 18ste êeuwe
• Kerke (1653) en de torre uut de 14ste êeuwe
• Marktpling met de Lodewyk XIV pompe.

• 
  Stadhuus
• 
  Kerke
• 
  Marktpompe
• 
  De kerke gezien vanof 't marktpling

Toale

't Dialect dat in Sint Anna ter Mude geklapt wordt is Zêeuws-Vlams.

Externe koppeliengn

• Plaatsengids
• AlleCijfers

Ofbeeldiengn die ier by passn ku je vien in de categorie Sint Anna ter Muiden van Wikimedia Commons.