From Wikipedia, the free encyclopedia
Schots Gaelic of Schots-Gaelisch, Gàidhlig in de toale zelve, is e Keltische toale ofkomstig van Schotland. De toale makt dêel uut van de Goidelischn tak van de Keltische toaln en is lik modern Iers en Manx ountwikkeld uut 't Middel-Iers. 't Komt dus uutendelik van 't Oud-Iers.
|
||||||
Stoatus | ||||||
---|---|---|---|---|---|---|
|
||||||
Toalcodes | ||||||
|
Volgens e tellienge in Schotland in 2001 kostn der 58.652 menschn (1,2% van de Schotsche bevolkienge ouder of drie jaar) Gaelic klappn, 't mêest van al in de Hebriedn. Da wyst ip e doalienge van 7300 Gaelic sprekers vergeleekn mè 1991. Toch wordn der de latstn tyd efforts gedoan vo de toale te doen heripleevn en 't antal jounge sprekers is vermêerderd.
Schots Gaelic is gin officiële toale van d' Europeesche Unie en ook nie van 't Verênigd Keunienkryk, moa 't wordt wel anzien lik e regionale toale in 't kader van 't Europees Handvest vo regionale toaln of toaln van minderheedn, geratificeerd deur de Britsche regerienge. Doaby ist er een officiële erkennienge van de toale met een officiële toalorganisoasje, de Bord na Gàidhlig.
Buutn Schotland bestoan der ook dialectn van de toale, lik Canadees Gaelic in Canada ip Cape Bretoneiland, Glengarry County in Ontario en g'isoleerde gebiedn van Nova Scotia.
Schots Gaelic wordt van tyd ook geweune Gaelic genoemd. In Schotland wordt dat uutgesprookn lik [ˈɡalɪk], buutn Schotland mêer lik /ˈɡeɪlɨk/. Schots Gaelic meug nie verward wordn mè Schots, e toale die nauwe verwant is an 't Iengels en die 't mêest geklapt wordt in de Schotsche Lêeglandn.
Zie de Schots Gaelic uutgoave van Wikipedia. |
Ofbeeldiengn die ier by passn ku je vien in de categorie Scottish Gaelic language van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.