Kastêel van Heidelberg
From Wikipedia, the free encyclopedia
't Kastêel van Heidelberg (Duuts: Heidelberger Schloss) is êen van de bekendste ruïnes in Duutsland en 't symbool van de stad Heidelberg. Vo da 't vernield wierd in de Neegnjoarign oorloge (1688-1697) was 't de residensje van de keurvorstn van 't Paltsgroafschap an de Reyn. Achter da 't zwoar beschoadigd wierd deur de soldoatn van Louis XIV van Frankryk in 1689, wierd 't kastêel in 1693 moa gedêeltelyk herbouwd. De ruïne stoat tachtig meter boven de valleie an de nôordkant van den heuvel Königstuhl en domineert vanof doa 't stadszicht van Heidelberg.