From Wikipedia, the free encyclopedia
De Skarpe (Frans: Scarpe) es e riviere in't nôord'n van Vrankryk in de regio Hauts-de-France. De Skarpe es e zyriviere van de Schelde en es 102 kilomèiters lank.
Eur bronne, de Fond de Guestreville, ligt o 't nôord'n van de gemêente Tinke (Tincques in't Frans) in't departement Nauw van Kales ip en ôogte van 121 mèiters. Ze strôomt deur Artesië, de zuudkant'n van Frans-Vloandern en Frans-Enegouwn en passeert ounder and're de steed'n Atrecht, Dowoai en Sint-Amands an de Skarpe. By de plekke Mortagne-du-Nord in't Nôorderdepartement moundt ze uut in de Schelde, die wa vodder Woals Enegouwn binn'nstrôomt. Vanof Atrecht tout an eur moundienge es de Skarpe gekanaliseerd.
De belangrykste zy-rivier'n van de Skarpe zyn de Décours, de Crinchon en den Ugy.
In tydde van't Ancien Régime vormdigde de Skarpe vo 't stik tusschn Dowoai en eur moundienge de schreeve van 't groafschap Vloandern (Romoans-Vloandern) en 't groafschap Enegouwn (mêer bepoald de streke van d'Ôosterbant).
Ofbeeldiengn die ier by passn ku je vien in de categorie Scarpe van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.