Oud stadhuus van Blanknberge
From Wikipedia, the free encyclopedia
From Wikipedia, the free encyclopedia
't Oud stadhuus van Blanknberge is 't oudst bewoard burgerlyk gebouw van de stad en beschermd monument van 19 april 1937. 't Is gebouwd in 1680 in Vlamsche renaissancestyl, met e trapgevel en e zeshoekig klokketorretje.
In 1451-1452 is 't êeste stadhuus van Blanknberge gebouwd in de vroegere Peperstroate ('t stik van de Langestroate geleegn tusschn de Bakkersstroate en de Kerkstroate). Van 1532-1536 wierd er e stadhuus gebouwd ip den hoek van de Langestroate en de Kerkstroate, de plekke van 't gebouw van nu. Lanceloot Blondeel makte e schilderie 't Latste Oordeel vo de scheepnkoamer. 't Werk wierd in 1547 geleverd. In 1572 is 't gebouw beschoadigd gewist by den inval van de woatergeuzn en in 1675 hêlegans vernield deur e zwoare brand in de stad.
't Oud stadhuus van nu is gebouwd circa 1680 noar oentwerp van R. Coppet, angeduud ip e stadsplan van 1696. In 1860 wierd 't gebouw gebruukt vo schouwburg. In 1894 was 't gebouw zodoanig vervall'n gerakt da 't gieng ofgebrookn wordn, moa 't wierd gered deur de Keunienklyke Commisje vo Monumentn en Landschapp'n. In 1911 is-t-er een oentwerp vo restauroasje gemakt vo 't gebouw moa dat is nie uutgevoerd deur 't uutbreekn van den Êeste Weireldoorloge. In 1923 wierd 't stadhuus gebruukt vo filioal van de Banque d'Ostende et du Littoral. In 1930 is 't hêlegans gerestaureerd. Nu wordt 't gebruukt vor exposiesjes.
Ofbeeldiengn die ier by passn ku je vien in de categorie Former town hall of Blankenberge van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.