Oise (departement)

Oise (60) es e departement in de regio Hauts-de-France in't nôord'n van Vrankryk. De noame komt van de gelyknoamige riviere die deur 't gebied strôomt. Inweuners van d'Oise word'n Oisiens ofte Isariens genoemd.

Oise (60)
Liggienge binn'n Vrankryk
Regio	Hauts-de-France
Hoofdstad (Préfecture)	Beauvais
Sous-préfectures	Clermont Compiègne Senlis
Ippervlak	5860 km²
Inweuners Bevolkiengsdichtheid	823.542 (2016) 141 inw./km²
Arrondissementn	4
Kantongs	21
Gemêentes	686
{{{foto}}} {{{byschrift}}}

Geschiedenisse

't Departement Oise es één van de 83 departementn die gecreëerd zyn binst de Fransche Revoluusje, de vierde moarte 1790. De streke round d'Oise wos eig'ndoum van de Fransche krôone en makte vôorn 1790 dêel uut van de provinsje Île-de-France.

Den êestn januoari 2016 es de regio Picardië, woar da 't departement dêel van uutmakte, gefusioneerd met de regio Nord-Pas-de-Calais en kwam by de nieve administratieve regio Hauts-de-France.

Geografie

Oise grenst an de Fransche departementn Somme in't nôord'n, Aisne in't ôostn, Seine-et-Marne en Val-d'Oise in't zuud'n, Eure in't zuudwestn en an Seine-Maritime in't westn.

't Departement Oise bestoat uut vier arroundissementn (Beauvais, Clermont, Compiègne en Senlis) en et 21 kantongs en 686 gemêentn. De grotste gemêent'n noar inweunertal zyn Beauvais, Compiègne, Creil, Nogent-sur-Oise en Crépy-en-Valois.

De riviere Oise lôopt van't nôordôostn van't departement noa 't zuud'n en strôomt ezo vodder deur Val-d'Oise oum uutendelyk in de Seine uut te mound'n. De riviere Aisne es 'n zyriviere van d'Oise die ôok deur 't departement stroômt en by Compiègne uutmoundt in d'Oise. And're riviern in't departement zyn d'Epte, de Thérain, d'Automne en de Noye. Round 't stee Compiègne ligt ôok 't bus van Compiègne, 't grôotste nateurgebied van de streke.

Externe koppelienge

• Site van de prefecteure van Oise
• Site van d'n touristischn dienst van Oise

Ofbeeldiengn die ier by passn ku je vien in de categorie Oise (department) van Wikimedia Commons.