![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/10/Mont_Saint_Michel_bordercropped.jpg/640px-Mont_Saint_Michel_bordercropped.jpg&w=640&q=50)
Mont Saint-Michel
From Wikipedia, the free encyclopedia
De Mont Saint-Michel is e rotsachtig eyland geleegn in e grôte boaie an de moendienge van de riviere de Couesnon, in 't departement Manche in Normandië. 't Eyland ligt oengeveer 1 kilometer van de kust by de plekke Avranches. Ip de berg stoat er e middelêeuwsche benedictynsche abdie in gotische styl gewyd an den eirtsiengel Michaël.
![](http://upload.wikimedia.org/wikipedia/commons/thumb/1/10/Mont_Saint_Michel_bordercropped.jpg/640px-Mont_Saint_Michel_bordercropped.jpg)
't Eyland was vroeger over land te bereykn by lêegwoater, moa by hoogwoater wast er woater roendomroend. Teegnwoordig lopt er e smalle brugge mè pendeldienst noa 't eyland. De Mont Saint-Michel, mè zyn trapstroatn, is allêne toegankelyk vo voetgangers.
De boaie van de Mont Saint-Michel is ca. 500 km² grôot en wordt begrensd deur Bretagne in 't zuudwestn en deur 't Normandisch schiereyland van de Cotentin in 't ôostn.
In 1979 wierd de Mont Saint-Michel en d' omliggnde boaie uutgeroopn toet UNESCO Weirelderfgoed. De Mont Saint-Michel is de derde toeristische site in Vrankryk achter d' Eiffeltorre en 't Kastêel van Versailles, mè joarlyks mêer of 3.500.000 bezoekers.
![]() |
Ofbeeldiengn die ier by passn ku je vien in de categorie Mont Saint-Michel van Wikimedia Commons. |