From Wikipedia, the free encyclopedia
Margaretha van Constantinopel (1202 - Dowoai, 10 februoari 1280), was van 1244 gravinne van Vloandern en Henegouwn. Ze was de joungste dochter van Boudewyn van Constantinopel en van Maria van Champagne. Heur voader was groaf van Vloandern en Henegouwn en êeste keizer van ‘t Latyns Keizerryk van Constantinopel.
| 1202-1280 | ||||||
|---|---|---|---|---|---|---|
 | ||||||
 |
||||||
|
||||||
 |
||||||
|
||||||
|
In 1202 vertrok heur voader ip de vierde kruustocht. Heur moeder, die in verwachtienge was van Margaretha, is mor achter gegoan o ze genoeg hersteld was van de geboorte. Heur noenkel Filips I, markgroaf van Noamn, was regent en zorgde vo de twi meisjes.
In 1204 is heur moeder ziek gekommn in Akko (Israël), en de 9stn ogustus is ze doa gestorvn. E joar loater stierf heur voader in de kerkers van Bulgareye.
Filips van Noamn blêef regeern in noame van heur oudere zuster Johanna, mo je brocht zyn nichtjes in e moeilikke situoasje deur hem te verloovn mè Marie, dochter van de Fransche keunienk Filips August, die under in 1205 liet overbriengn no zyn hof in Parys.
In 1212 kêerde ze were noar Henegouwn, woa da ze trouwde mè Bouchard van Avesnes, baljuw van Henegouwn en subdioakn van de kerke van Laon. Je was êest heur lêermêester en voogd gewist en ze was nog mo tien joar oud on ze trouwdn. Heur zuster en heur vint Ferrand van Portugal zoagn da nie zittn, en in 1215 wierd under huwelik langs Filips August en paus Innocentius III oenwettig verkloard, omdat ’n e gêestelikke wydienge haad. De 19stn januoari 1216 wierdn ze g’excomuniceerd deur Innocentius.
Bouchard en Margaretha, die ton ol under êeste zeune haan, vluchtegn no ’t groafschap Luxemburg. Doa krêegn ze nog twi zeuns.
Binst e gevecht kostn ze Bouchard overmêestern en z’hieldn hem in 1219 vo twi joar gevangn in Gent. Vor hem vry te krygn, was Margaretha akkôord mè d'oentbiendienge van under huwelik, en ze schiddegn in 1222. Doadeure wierdn under jounges oenwettig verkloard.
Bouchard vertrok noar Italië vor absolutie te krygn en vo te goan vechtn vo de Sancta Sede, ’t pauselik leger. Binst dat ’n weg was kost Johanna Margaretha overhoaln vo t’hertrouwn mè Willem II van Dampierre en ze trouwdegn in 1223.
Weregekommn in Vloandern, hen ze Bouchard oenthoofd in Rupelmonde, ip bevel van Johanna.
In 1244 volgde Margaretha heur zuster ip. Van da moment begost de Vlams-Henegouwse successieoorloge vo ’t erfrecht.
In 1246 kwamt de Fransche keunienk Lodewyk IX of met e compromis. J’arbitreerde tusschn de jounges van Burchard van Avesnes en de jounges van Willem II van Dampierre. Margaretha blêeft de Dampierres steunn, mo Lodewyk erkende da de Avesnes ook wettige erfgenoamn woarn. Je besliste da de Dampierres Vloandern krêegn en de Avesnes Henegouwn.
Da zelfste joar slôot Jan I van Avesnes e boendgenôotschap mè Willem II van Holland (van 1247-1256 ook keunienk van et Hillig Rooms Ryk) teegn Vloandern, en je trouwde mè zyn zuster Aleid van Holland.
In 1252 gaf Willem II van Holland Ryksvloandern an Jan van Avesnes.
In 1253 mislukte de Vlamschn invoasie in Zêeland. ‘t Vlams leger wierd versleegn in de Slag by Westkapelle ip Walcheren. Margaretha heur twi zeuns wierdn gevangn gepakt. Gwyde van Dampierre was gekwetst an zyn twi bêenn en je spakte vo de reste van zyn leevn. Jan van Dampierre was ’n oge kwyt.
Van 1270 toet 1275 was Vloandern in oorloge met Iengeland.
Heur jounges mè Bouchard van Avesnes:
Heur jounges mè Willem II van Dampierre:
In 1245 stichtte Margaretha ‘t Begynhof van Brugge.
De 29stn december 1278 dêe ze trôonsofstand in Vloandern vo Gwyde van Dampierre. In Henegouwn blêef ze zelve an de macht toet an heur dôod, en ze wierd doar ipgevolgd deur heur klêenzeune Jan II van Avesnes. Deur den trouw van heur zeune Jan I van Avesnes met Aleid van Holland woarn Henegouwn, Holland en Zêeland verênigd.
Z’is begroavn in de deur heur gestichte Abdye van Flines.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
