Leforest

Leforest es e gemêente in Vrankryk hil o d'ôostkantn van't departement Nauw van Kales, ip apeupri 20 kilomèiters o 't ôostn van Lens, teegn de schreve me 't Noorderdepartement. De gemêente es eign'tlyk van o drie kantn oumgeevn deur 't Nôorderdepartement: o de nôord'nkantn ligt Rysels-Vloandern en o d'ôost- en zuudkantn ligt et arroundissement Dowoai. In tydde lag de plekke ip't schee'n tusschn Romoans-Vloandern en Artesië.

Leforest
Leforest en oumligg'nde gemêentn
Geografie
Regio	Hauts-de-France
Departement	Nauw van Kales
Arroundissement	Lens
Kanton	Hénin-Beaumont-2
Coördinoatn	50°26′NB 3°03′OL
Ippervlak	6,22 km²
Inweuners
Inweuners Bevolkiengsdichtheid	7167 (2017) 1152 inw./km²
Andere
Burgemêester	Christian Musial
Postcode	62790
Webadres	Site van Leforest

Leforest grenst an de gemêentn Thumeries, Moncheaux, Raimbeaucourt, Roost-Warendin, Auby, Courcelles by Lens, Évin-Malmaison en Ostricourt.

De plekke ligt in't charbonbekk'n van't Nauw van Kales. Ip't groundgebied van de gemêente loagn d'oudde mynschachtn numéro's 2, 6 en 10 van de Compagnie des mines de l'Escarpelle. In tydde werkt'n der iere surtout vele Poolsche gastarbeyders. Sedert de stopzettienge van d'ountginnienge van kôoln zyn teffrente van de mynterrings ofgebrookn en oumgevormd tout groene zones.

O de zuudkantn van de gemêente ligter e stoasje an d'yzerboane tusschn 't Ryselsche en Dowoai. Nog wa vodder noa't zuud'n strôomt et Ofleydiengskanoal van de Skarpe, da de verbindienge makt tusschn de Skarpe by Dowoai en de gekanaliseerde Deule by Courrières, wa en ounderdêel en van de grôotere verbindienge tusschn Duunkerke en de Schelde.

Beziensweirdigeedn

• De Sent-Nikloajkerke uut d'achttiende êeuwe
• 't Château Blanche-Maison
• De cité du Planti, e vroegern myncité die 't decor vormde van de film Armaguedon van regisseur Alain Jessua.

• 
  De Sent-Nikloajkerke van Leforest
• 
  't Château Blanche-Maison
• 
  Uzzetjes van de vroegere myncité by put nummer 10

Ofbeeldiengn die ier by passn ku je vien in de categorie Leforest van Wikimedia Commons.