Lancashire is e groafschap (county) in d' Iengelsche regio North West England. De noame komt van de stad Lancaster.
| Lancashire | |
|---|---|
 |
 |
 Liggienge in Iengeland | |
| Land | Iengeland |
| Stoatus | Non-metropolitan en ceremonieel |
| Regio | North West England |
| Hoofdplekke | Preston |
| Ippervlak | 2903,1 km² |
| Inweuners | 1.461.400 (2011) (475 inw/km²) |
Geschiedenisse
Lancashire was êen van de partyen die betrokkn was by de Rozenôorloge tusschn 't Huus van Lancaster (met een rôo roze in under schild) en 't Huus van York (met een witte roze in under schild). De Rozenôorloge vound platse tusschn 1455 en 1485 woardan de twê partyn om d' Iengelse krône vochtn: olletwê d'huuzn stamdign van Eduard III of, moa de ruzie begost ot de rechtmoatign upvolger, Richard II, deur de hertog van Lancaster wierd ofgezet die hemzelve toet Hendrik IV krôondige.
Binst d' Industriële Revoluusje ip 't ende van d'achttienste êeuwe kwam Lancashire e belangryke commerciële en industriële regio. Teegn de joarn 1830 was 85% van al 't katoen over hêel de weireld verwerkt in Lancashire. Accrington, Blackburn, Chorley, Darwen en Burnley woarn de belangrykste katoenindustriesteedn in dien tyd.
Geografie
Lancashire grenst an de county's Cumbria, North Yorkshire, West Yorkshire, Greater Manchester en Merseyside. Blackpool, e toeristische plekke an de zêe, en Blackburn with Darwen, zyn unitaire gebiedn.
De twêe grotste steedn zyn Lancaster en Preston. Vo 1974 maktegen Liverpool en Manchester ook dêel uut van Lancashire.
Lancashire lopt ten westn van 't Penninisch Gebergte (Pennines) noa d' Iersche Zêe. D'Hoogste bergn zyn Gragareth (627 m) en Green Hill (628 m). Riviern zyn de Ribble, de Wyre en de Lune.
Lancashire ligt juste te zuudn van 't Lake District (Merengebied), e nationaal park in 't groafschap Cumbria.
Districtn
|
 |
E gekend gerecht van Lancashire is "Lancashire Hot pot", da gerêed gemakt wordt mè vlêes, andjoens of andere groensels en petattn.
Menschn van 't groafschap wordn Lancastrians genoemd.
 |
Ofbeeldiengn die ier by passn ku je vien in de categorie Lancashire van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
