Koukerke (Walchern)
From Wikipedia, the free encyclopedia
From Wikipedia, the free encyclopedia
Koukerke ofte Koudekerke es e dorptje in Zêeland, ip 't vroeger eyland Walchern, die nu dêel uutmakt van de gemêente Veere. 't Ligt apeupri tusschn Middelburg, Vlissiengn en Zoutelande in. Koukerke es van vanouds verboundn me 't an de zêe geleegn Disoek. Koukerke wos van 1811 tout olverwege 1966 e zelfstandige gemêente.
Koukerke | |
---|---|
Koukerke in de gemêente Veere | |
Provinsje | Zêeland |
Gemêente | Veere |
Coördinoatn | 51°29′NB 3°33′OL |
Ippervlak | km² |
Inweuners | 3465 (2023) |
Liggienge van de gemêente Veere in Zêeland |
De gemêente Koukerke wos vroeger vele grôoter in ippervlakte. In't westn liep et tout an de Nôordzêe, in't ôostn gienk de gemêentegrenze tout an de singels van Middelburg, woarounder ôok de wyk 't Zand. Ôok e gebied o den ôostkant van't Kanoal deur Walchern, tout an d'Oude Vlissiengeweug, ôordigde nog by Koukerke.
Vanof 1 november 1941 wierd et an Middelburg grenzende gedêelte deur de Duutsche bezetter by Middelburg gestookn woadeure da vanaf ton ounder and're de wyk Toorenvliedt en d'Oude en Nieuwe Vlissiengeweug in Middelburg loagn.
Ip 1 juli 1966 stoptigde Koudekerke lyk zelfstandige gemêente. 't Zuudôostelyk gedêelte gienk noa Vlissiengn (de wyk Lammerenburg), e nôordôostelyk stik gienk noa Middelburg (me de côtée van Ter Ôoge) en de reste wierd e gedêelte van de gemêente Valkenisse, tôope me Biggekerke en Zoutelande.
Ip 1 januoari 1997 wierd de gemêente Valkenisse ipgenoomn in de nieuwe gemêente Veere. Ollene de Galgewei en e klêen stikske van de Meliskerkse Woatergank giengn noa de gemêente Vlissiengn.
Ofbeeldiengn die ier by passn ku je vien in de categorie Koudekerke van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.