Kapitêel

E kapitêel is 't boovnstik en de bekrônienge van e piloare en dient vo de de last die moe gedreegn wordn ip e smaller droagvlak over te briengn. Kapitêeln wordn ingedêeld in vuuf klassieke ordes: de Toscoansche, Dorische, Ionische, Corinthische, en Composiete orde.

• De Toscoansche orde is ountstoan in de Romeinsche architecteure en is gemakkelik t' herkenn an de gleddige vorm. 't Is e verêenvoudigde vorm van de Romeins-Dorische orde.
• De Dorische orde is de mêest gebruukte orde in Grieknland. De Grieks-Dorische piloarn hen gin voet (basement) en d'r is ook gin versierienge an de boovnkant. De piloarn van de Romeins-Dorische orde hen wel e voet en zyn slanker van vorm.
• De Ionische orde is d'ipvolger van de Dorische orde. De piloare wierd assan moa slanker en eleganter. Die verfynde orde van de Griekn is ountwikkeld ounder invloed van de Perzn en de Hittietn. By de bouw van 't Erechteion in Athene zyn Ionische piloarn gebruukt en ook in de renaissance en 't classicisme.
• De Corinthische orde is Grieks van ofkomste en e vôortzettienge van de Ionische orde. 't Kenmerk is de versierienge van 't kapitêel me twi kransn van acanthusbloarn. De Romeinn hen dat overgepakt van de Griekn. Ook in de renaissance en 't classicisme zyn piloarn van de Corinthische orde vele gebruukt.
• De Composiete orde is in feite e combinoasje van Ionische en Corinthische elementn en wierd vele toegepast in de renaissance en de barok mor ook in d'architecteure van overheidsgebouwn in de negentienste êeuwe.

• 
  Toscoansche orde
• 
  Dorische orde
• 
  Ionische orde
• 
  Corinthische orde
• 
  Composiete orde

Ofbeeldiengn die ier by passn ku je vien in de categorie Capitals (architecture) van Wikimedia Commons.

Ounderdeeln van kerkarchitectuur

Ounderdeeln van kruuskerkn:  Absis · Koorommegank · Luchtbeuke · Middnbeuke · Priesterkoor · Stroalkapelle · Transept · Vierienge · Westbouw · Zybeuke Bouwkundige ounderdeeln:  Arcade · Boge · Boovnlucht · Fronton · Kapitêel · Luchtboge · Roundboge · Scheeboge · Spitsboge · Steunbeir · Tribune · Triforium Decoratieve ounderdeeln:  Archivolt · Dwerggalery · Lisene · Lombardischn band · Pilaster · Pinoakel · Voluut · Woaterspuger Gewelftypes:  Kruusgewelf · Tungewelf

Kapitêel