Huus Piast

't Huus Piast was den êeste dynastie van hertoogn en keuniengn van Pooln. Ze regeerdn tusschn de 10e en de 14e êeuwe.

't Woapn van de Piast-dynastie (1295)

Ze zoun ofstammn van de semi-legendoarische figeure Piast de Woagnmoaker (Piast Kołodziej) van de West-Sloavische stam de Poloann. Zyn ipvolgers:

• Siemowit
• Lestko (ook Lestek, Leszek)
• Siemomysł

Mieszko I (ca. 930–992), de zeune van Siemomysł, wordt anzien als den eigentlikke stichter van de Poolsche stoat in 966, 't joar dat ie hem bekêerde tout et christndom.

Je krêeg 't gebied van d'Oude Pruussn in lêen van keizer Otto I. Zyn zeune en ipvolger Bolesław I was den êeste keunienk van Pooln.

Je verêenigde al de provinsjes die uutendelik Pooln zoun vormn: Grôot-Pooln (Wielkopolska) Klêen-Pooln (Małopolska), met de belangrykste stad Krakau, Mazovië, Silezië (Śląsk) en Pommern, met de belangrykste stad Gdańsk.

't Huus Piast van Poolsche keuniengn stierf uut in 1370 achter 'n dôod van keunienk Casimir III de Grôotn. Je was êen van de belangrykste Poolsche monarchn.

Êeste periode van de Piast-monarchie

Portreit	Noame	Regeerperiode	Titel
	Mieszko I	966-992	Hertog van de Poloann
	Bolesław I, de Dappern Pools: Bolesław I Chrobry	Hertog: 992 – 18 april 1025 Keunienk: 18 april 1025 – 17 juni 1025	King of Poland Êeste Poolsche keunienk
	Mieszko II Lambert	1025-1031	King of Poland Keunienk
	Bezprym	1031-1032	Hertog
	Mieszko II Lambert	1032-1034	Hertog
Interregnum (1034-1039)
	Casimir I, de Restorateur Pools: Kazimierz I Odnowiciel	1039–1058	Hertog
	Boleslas II, de Genereuzn	Hertog: 1058-1076 Keunienk: 1076-1079	King of Poland Keunienk
	Władysław I Herman	1079-1102	Hertog
	Zbigniew	1102-1107	Hertog
	Bolesław III, Schêefmound Pools: Bolesław III Krzywousty	1107-1138	Hertog

Verbrokkelienge van 't keunienkryk (1138-1295)

Piast grôothertoogn :

Portreit	Noame	Regeerperiode	Titel
	Władysław I, de Kortn Pools: Władysław I Łokietek	1289-1289	Grôothertog
	Przemysł II	1290-1291	Grôothertog

Herêenigienge ounder de Piastn en de Přemyslidn (1295-1370)

Keunienk van Pooln

Portreit	Noame	Regeerperiode	Dynastie
	Przemysł II	Grôothertog: 1290-1291 Keunienk: 1295-1296	Piast
	Wenceslaus II van Boheemn Pools: Wacław II Czeski	Grôothertog: 1291-1300 Keunienk: 1300-1305	Přemyslid
	Wenceslaus III van Boheemn Pools: Wacław III Czeski	1305-1306	Přemyslid
	Władysław I, de Kortn Pools: Władysław I Łokietek	1320-1333	Piast
	Casimir III de Grôotn Pools: Kazimierz III Wielki	1333-1370	De latstn Piast

Ofbeeldiengn die ier by passn ku je vien in de categorie House of Piast van Wikimedia Commons.