Genua

Genua (Italioans: Genova, Ligurisch: Zena) es 'n stad in't nôordwestn van Itoalië, an den Ligurischn Zêe. 't Es d'ôofdplekke van de gelyknoamige metropolitoane stad en van de regio Ligurië. Der weun'n e grôot olf miljoen mienschn en 't es deur z'n uutgebreydde hoavn de grôotste hoavnstad van Itoalië en achter Marseille d'n twidd'n hoavn an de Middellandsche Zêe.

Liggienge van 't stad Genua binn'n de gelyknoamige metropolitoane stad

Genua Genova
Liggienge van Genua in Itoalië
Regio	Ligurië
Provinsje	Genua (metropolitoane stad)
Coördinoatn	44°25′NB 8°56′OL
Ippervlak	240,29 km²
Inweuners Bevolkiengsdichtheid	577.587 (2018) 2403,71 inw./km²
Postcode	van 16121 tout 16167
Website	Officieeln site van Genua

De bynoame van Genua es La Superba wa de "preussche" wilt zeggn, wa komt deur oar glorieuze geschiedenisse en de teffrente sjieke beziensweirdigeedn van 't stee. E gedêelte van 't oude center es erkend deur den Unesco lyk weirelderfgoed ounder de noame "Genoa: Le Strade Nuove and the system of the Palazzi dei Rolli". Deur oar rykdom in culteur, kunste, muzzik en 'teetn wos Genua in 2004 Culturêeln ôofdstad van Europa. Genua vormt ôok de zuudpunt van den Italioanschn industrieeln drie-oek Miloan-Turyn-Genua.

Inweuners wierd'n in Vlams Genueezn, in't Italioans genovesi en in't lokoal dialekt zeneixi genoemd.

Liggienge en indêelienge

Genua grenst an de gemêentn Arenzano, Bargagli, Bogliasco, Bosio (in de provinsje Alessandria), Campomorone, Ceranesi, Davagna, Masone, Mele, Mignanego, Montoggio, Sant'Olcese, Sassello (in de provinsje Savona), Serra Riccò, Sori, Tiglieto en Urbe (ôok in de provinsje Savona).

't Stad Genua es sedert 2007 ingedêeld in neegn municipi (districtn).

De neegn municipi van Genua

Municipio	Bevolkienge (% van totoale bevolkienge)	Quartieri (wykn)
Centro-Est	91.402 (15.0%)	Prè, Molo, Maddalena, Oregina, Lagaccio, San Nicola, Castelletto, Manin, San Vincenzo, Carignano
Centro-Ovest	66.626 (10,9%)	Sampierdarena, Belvedere, Campasso, San Bartolomeo, San Teodoro, Angeli
Bassa Val Bisagno	78.791 (12,9%)	San Fruttuoso, Sant’Agata, Marassi, Quezzi, Fereggiano, Forte Quezzi
Media Val Bisagno	58.742 (9,6%)	Staglieno, Molassana, Sant'Eusebio, Montesignano, Struppa
Valpolcevera	62.492 (10,3%)	Rivarolo, Borzoli Est, Certosa, Teglia, Begato, Bolzaneto, Morego, San Quirico, Pontedecimo
Medio Ponente	61.810 (10,1%)	Sestri Ponente, Borzoli Ovest, San Giovanni Battista, Cornigliano, Campi, Calcinara
Ponente	63.027 (10,3%)	Voltri, Crevari, Pra', Palmaro, Ca’ Nuova, Pegli, Multedo, Castelluccio
Medio Levante	61.759 (10,1%)	Foce, Brignole, San Martino, Chiappeto, Albaro, San Giuliano, Lido, Puggia
Levante	66.155 (10,8%)	Sturla, Quarto dei Mille, Quartara, Castagna, Quinto al Mare, Nervi, Apparizione, Borgoratti, San Desiderio, Bavari

Beziensweirdigeedn

• De San Lorenzo-katheedroale (1118)
• 't Keunienklyk Paleys (Palazzo Reale) (1643)
• 't Ertoogelyk Paleys (Palazzo Ducale) uut de dertiende êeuwe
• 't Palazzo San Giorgio (1260)
• De Palazzi dei Rolli, die bestoan uut:
  • 't Palazzo Bianco
  • 't Palazzo Rosso
  • 't Palazzo Doria Tursi
• 't Nateuristorisch museum Giacomo Doria
• 't Aquarium van Genua
• 't Museum Via del Campo 29 rosso
• 't Jazzmuseum van Genua
• 't Carlo Felice-theoater
• De viertorre La Lanterna (1543)
• De Via Garibaldi (ofte Le Strade Nuove)
• De Piazza Banchi
• De Piazza San Matteo
• De Piazza De Ferrari
• 't Uus van Christoffel Columbus en 't monument ter êere van em

• 
  De San Lorenzo-katheedroale
• 
  't Palazzo Ducale
• 
  Fonteyne an de Piazza De Ferrari
• 
  De viertorre van Genua
• 
  't Columbus-monument

Bekende mienschn uut Genua

• Paus Innocentius IV (ca. 1195-1254), geboorn mè de noame Sinibaldo del Fieschi
• Paus Adrianus V (1220-1276), geboorn mè de noame Ottobuono Fieschi dei Conti di Lavagna
• Paus Innocentius VIII (1432-1492), geboorn mè de noame Jean-Baptiste Cibo
• Christoffel Columbus (1451-1506), ontdekkiengsreiziger
• Ambrogio Spinola (1569-1630), militair in dienste van de Spanjoardn
• Frederico Spinola (1571-1603), militair in dienste van de Spanjoardn
• Johann Lukas von Hildebrandt (1668-1745), Ôostnrykschn architekt
• Niccolò Paganini (1782-1840), componist en violist
• Giuseppe Mazzini (1805-1872), polletieker, filozôof en revoluutionair
• Paus Benedictus XV (1854-1922), geboorn mè de noame Giacomo della Chiesa
• Eugenio Montale (1896-1981), dichter en winnoare van den Nobelprys vo literatuur (1975)
• Piero Carini (1921-1957), Formule 1-coureur
• Samuele Buttarelli (1927-1999), Formule 1-coureur
• Riccardo Giacconi (1931), Amerikoans nateurkundige en winnoare van den Nobelprys vo nateurkunde (2002)
• Renzo Piano (1937), architect
• Beppe Grillo (1948), komiek en polletieker
• Sabrina Salerno (1968), zangeresse

Ofbeeldiengn die ier by passn ku je vien in de categorie Genoa van Wikimedia Commons.