From Wikipedia, the free encyclopedia
Et Gardameer (Italjoans: Lago Di Garda) es een meer in Itoalië.
Et Gardameer es et grôotste meer van Itoalië, en ligt in et nôordn van et land. Et ôort soamn me ounder ander et Comomeer en het Lago Maggiore tot de zogenoamde Nôord-Italioanse meern. Den omtrek van et meer es oungeveer 152 km. Het meer eit nen typische vorm: lang en smol in 't nôordn, en brêed en round in 't zuudn. Da es een gevolg van zyn liggienge, want de nôorderpunt ligt volledig in de uutlopers van d' Alpn en es vrêe bergachtig, binst da 't vlakke zuudn ol dêel uutmakt van de Po-vlakte. De diepte van et meer weirdt ôok bepoald deur de omliggnde geografie: in het nôorden goat et meer tot 350 meiters diepe, moar in 't zuudn eit et mêer et karakter van nen oundiepn bassing. Der zyn verschillnde klêene eilandjes in et meer te vinden, en in 't zuudn ei je een schiereiland.
Et Gardameer ligt ip het groundgebied van 3 Italjoanse provincies: Trento in et nôordn, Brescia an de westkant en Verona an de ôostkant. Der zyn verschillnde gemêentn round het meer:
Weegns zyn unieke liggienge es et Gardameer êen van de grôotste toeristische trekpleisters van Itoalië, zowel by de binnelanse bevolkienge als by de buutnlanders. Ge keunt er vrêe gevarieerde toeristische activiteitn doen: de kiezelstrandn en het zoete, lauwe woater nôdigen uut voo relaxte strandvakanties in 't zuudn. In't nôordn keun je het meer combineern me uutstappn in de bergn. In Malcesine bievôorbeeld es't er een koabellifte die noa een ôogte van 1800 meiters goat (de Monte Baldo), van woaruut da je wandeliengn noa toppn tot 2200 meiters keunt moakn. Mounten-biken en valschermspriengn zyn ôok vrêe populair in het nôordn van et meer. Deur de liggienge van et meer es er ôok redelyk vee wind ip het meer. Doardeure ei je vee activeitn ip het meer gelyk windsurfn, kyte-surfn, zeiln,... En da olles gecombineerd met de gekende Italioanse kwaliteitn gelyk goe were, goe eetn en drinkn,... In de wydere omgevienge zyn der typische Italioanse steedn mè een ryke historie, gelyk Verona, Trento en Brescia.
![]() |
Ofbeeldiengn die ier by passn ku je vien in de categorie Lake Garda van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.