Frans Stefan (Nancy, 8 december 1708 – Innsbruck, 18 ogustus 1765)
was de twidde zeune van Leopold van Lotharingen en zyn vrouwe Elisabeth Charlotte van Orléans.
Meer informatie 1708 - 1765, Keizer van 't HRR ...
Sluiten
Je volgde zyn voader ip in 1729 als hertog Frans III Stefan van Lotharingen, mo je verloor zyn titel in 1739. ‘t Was de bedoelienge da Frankryk uutendelik Lotharingen zou kunn annexeern deur under kandidoat Stanisław Leszczyński doar an te stelln. Leszczyński was de schonvoader van Lodewyk XV van Frankryk en je krêeg Lotharingen ip vôorwoarde dat et achter zyn dôod in handn zou kommn van Frankryk.
Frans Stefan krêeg als compensoasje et grôothertogdom Toscane, woa da Gian Gastone, de latste Medici, gestorvn was zounder ipvolger.
In 1736 trouwde Frans Stefan mè Maria Theresia van Ôostnryk, dochter van Karel VI. Tegoare hen ze de Habsburg-Lotharingen dynastie gesticht.
Frankryk beloofde van de Pragmatieke Sanctie t’anveirdn, woadeure dan de dochters ook de trône van under voader kostn ervn. Ze zoun Maria Theresia steunn als ipvolger van d’Habsburgsche bezittiengn.
In 1745 mocht Frans Stefan Karel VII ipvolgn als Rôoms-Duutsche keunienk en keizer van et Hillig Rôoms Ryk, ounder de noame Frans I.