From Wikipedia, the free encyclopedia
Firenze of Florence is e stad in Italie mi round de 360.000 inweuners. Deur de stad lopt de riviere de Arno. Firenze is 'n hoofdstad van de regio Toscane. In Toscane is 't ni ollêne 'n grotstn stad, moar ouk 't economisch, cultureel en administratif centrum. Achter d'êenmoaking van Italie wos 't een endetje 'n hoofdstad van hêel 't land (1865-1871). Moa de stad is surtout bekend omwille van zyn belangryke rolle in de middelêeuwn. Ounder de hêerschappy van de familie van de Medici wos Firenze in veel opzichtn 't centrum van Europa, en de droaischyve in de Renaissance.
 Firenze | |
|---|---|
 | |
 Liggienge van Firenze (Florence) in Itoalië | |
| Regio | Toscane |
| Provinsje | Firenze (metropolitane stad) |
| Coördinoatn | 43°47′NB 11°15′OL |
| Ippervlak | 102 km² |
| Inweuners | 368.059 3453 inw./km² |
| Postcode | 50100 |
| Website | Officiële site (It.) |
Firenze is esticht in 't joar 59 vôorn Christus, deur Romeinsche soldoatn die ofezwoaid woarn. Ze noemnde nundern stad 'Florentia' (wuk da Latyn is vo 'bloei'). Doarachter kwaamn ounder anger de Byzantynn, d'Ostrogootn, de Longobardn, en de Frankn.
Moa de schoanstn tyd kwaam mi de Medici, e familie van bankiers. Zyder woarn boas van 'n 15sn êeuw tout 1737. Achter nunder kwaamn de Habsburgers, de Fransche (1799-1814) en were de Habsburgers (1814-1859). Van dat moment kwaam Firenze by 't keunienkryk Italie.
't Centrum van Firenze is de Piazza della Signoria, mi zyn Palazzo Vecchio van woaruut dat de gemêente ossan bestuurd wos. Juste derlasen legt de Galleria degli Uffizi: êen van de bekendste museums ter weireld mi mêesterwerkn van ounder anger Botticelli.
In 'n dichtn omtrek legt ouk de duomo, de kathedroale Santa Maria del Fiore, mi zyn magnifiekn koepel die is ontworpn deur Filippo Brunelleschi. By de kathedroale stoat ouk de campanile (klokketôorn) va Giotto, en 't Baptisterium mi zyn bronzen en goudn deurn. Op de riviere de Arno stoat er êen brugge die Weireldôorlog II overleefd et: de Ponte Vecchio mi zyn goudboetieksjes. E klêen bitje buutn 't toeristies centrum ving je de Galleria dell'Accademia woa dat 't standbeeld de David van Michelangelo stoat.
Ouk bekend is de kerke Santa Croce, mi groavn en gedenktstêenn van bekende Italioann.
 |
Ofbeeldiengn die ier by passn ku je vien in de categorie Florence van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
