Betje Wolff
From Wikipedia, the free encyclopedia
Betje Wolff (Elizabeth Wolff-Bekker, Vlissiengn, 24 juli 1738 - Den Haag, 5 november 1804) was en Hollansche schryfster, surtout bekend van heur briefromangs, geschreevn tegoare mèt Aagje Deken.
![Thumb image](http://upload.wikimedia.org/wikipedia/commons/thumb/c/ce/Betje_Wolff.gif/220px-Betje_Wolff.gif)
Betje Bekker wierd geboorn in e calvinistische familie. Ze trouwde d'n 18e november 1759 mèt d'n 52-joarign dominee èn weduwnoare Adriaan Wolff.
In 1763 debuteerde ze mèt d'n bundel Bespiegelingen over het genoegen. Achter d'n dowd van heur vent in 1777, gyng ze t'hopeweunn mèt Aagje Deken èn ze begost'n tegoare te publiceern. Hunder grotste succesn woarn de briefromangs De Historie van mejuffrouw Sara Burgerhart (1782) èn Historie van den heer Willem Leevend (1784-1785).
Vanwege hunder patriottische sympathieën verhuusd'n z' in 1788 noa Trévoux in 't departement Ain (regio Auvergne-Rhône-Alpes).
Deur financiële probleemn most'n z' in 1797 werekeirn noar Holland èn ze weund'n in Den Haag. Betje Wolff stierf doar an heur 66 joar. Einigte doagn loater stierf ook Aagje Deken.