From Wikipedia, the free encyclopedia
't Belle Epoque Centrum in Blanknberge is e museum over de Belle Epoque, de periode tusschn 1870 en 1914.
In den tyd van de Belle Epoque was de bourgeoisie redelik welgesteld. Deur d' industriële revoluusje kwamt er neffest den oudn oadel e nieuwe burgerye by uut den industrie en de commerce. Die elite wilde genietn van 't leven. Ze vluchtegen weg uut d' oungezounde en deprimerende steedn ip zoek noa de nateure en alternatievn vo de vervelinge.
Ip 't ende van d' 18ste êeuwe begost 't kusttoerisme ip gank te kommn. Deur den anleg van den yzern weg was 't gemakkelikker gewordn vo noa de kust te kommn. En de ryke toeristn wildegen e comfortabel verbluuf en genoeg ountspanninge.
Blankenberge wierd e belangryke toeristische kuststad me grôte bouwkundige realisoasjes lik de Casino, de piere, de Paravang, luxueuze hotels en kustvilla's. De platselikke visschersbevolkinge, 't personêel en de geweune werkmenschn kostn hunder allêne moa vergoapn an die rykdom.
Drie Blanknbergsche belle-epoquevilla's van 1894 zyn gerestaureerd en verbouwd gewist toet e bezoekerscentrum. D' openinge was in november 2008. Der is een interactieve exposiesje met affiches, postkoartn, mode, fotto's en filmmaterioal. Der is ook te zien wa vor 'n invloed den Art Nouveau g'hed hèt in Blanknberge.
't Belle Epoque Centrum is een initiatief van de Stad Blanknberge en 't is gerealiseerd met de financiële steun van d' Europeesche Gemêenschap, Toerisme Vloandern, de Vlamschn Overheid, Provinsje West-Vloandern en de stad Blanknberge.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
