Belcanto Classic
From Wikipedia, the free encyclopedia
De Belcanto Classic is e koers in Westouter die ol bestoat sedert 1995. En is enoemd na Guido Belcanto die, tusschen pot e pinte, tope mi Frank Verdru, ’t initiatief nam om e nieuwn koers t'organiseern.
An de koers meugt olleman meidoen. In ’t begun (1995) woarn d’r moa 9 koereurs - nu stoat er 499 man an de mete, en dat is ouk 't maximom da toe eloatn is.
De koers is verreedn op de latstn moandag van ogustus. De latste kêern woarn ‘t zeven lokoale tourtjes van 8,2 km. Over berg (Sulferberg) en dal, want 't is in ’t Euvelland.
Ider joar probeert de organisoasje ouk bekende noamn t’inviteern. In 't verleedn woarn ol present: Renaat Landuyt, Karl Vannieuwkerke, Patrick Lefevere, Nico Mattan, Peter Farazijn, Frank Vandenbroucke, Kristien Hemmerechts,...
De Belcanto Classic is gèn koers lik een ander. Want wie dat er wint, is eigentlik va gèn importainsje, en d'organisoaje gèft toen ouk 'n uutslag ni mè vry. Een koers om te beminnen, niet om te winnen, is nunder leuze. D’r zyn ten ander ouk pryzn voe de mêest sexy koereur, ’n mêest courageusn, ’n dien mè de schonste klêers, de grotstn zwêter,...