From Wikipedia, the free encyclopedia
Augustin Coppens (Gedopt: Brussel, 9 moarte 1668 - Brussel, 31 ogustus 1740) was e Brabantsche landschapsschilder, têekenoare en graveur. Je makte ook kartongs vo wandtapytn.
Coppens is geboorn in Brussel ols zeune van François Coppens en Anne-Marie Herremans. Je wierd de 9ste moarte 1668 gedopt in de parochie Sint-Goedele.
By de bombardementn ip Brussel deur de Fransche troepn in 1695 was zyn huus verwoest. Je makte doarip e serie van zeevntien têekeniengn van vernielde stadswykn: Perspectives des ruines de la ville de Bruxelles, dessinées au naturel par Augustin Coppens 1695. De reekse krêeg e grôote verspreidienge deur graveures, oender andere van Richard van Orley en Pieter Schenk (I) (oender den titel Ruinae Bruxellenses).
In 1698 wierd Coppens lid van de Sint-Lucasgilde, en in 1707 kwamt 'n zelfs deekn.
Je was gespecialiseerd in 't oentwerpn van landschappn, moa der zyn gêen schilderien van zyn hand bewoard gebleevn. Wel zyn der veele wandtapytn woaran dat 'n meegewerkt èt.
![]() |
Ofbeeldiengn die ier by passn ku je vien in de categorie Augustin Coppens van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.