Albert Saverys
Vlamsche kunstschilder en decorateur From Wikipedia, the free encyclopedia
Vlamsche kunstschilder en decorateur From Wikipedia, the free encyclopedia
Albert Saverys (Deinze, 12 meie 1886 - Petegem-an-de-Leie, 29 april 1964) was e Vlamsche kunstschilder en decorateur.
Je volgde lesse an d'academie in Gent ounder andere by Jean Delvin en George Minne.
Albert Saverys wordt dikwils gerekend by de derde groep van de Latemsche Schole. Je debuteerde in de tradiesje van 't luminisme en je makte e korte expressionistische periode deure. Zyn werk doe peizn an 't fauvisme van de Fransche schilder Maurice de Vlaminck, moa je vound al gauwe e persôonlikke styl, gekenmerkt deur e vlotte maniere van schildern en eign kleurn. Je schilderde surtout landschappn van de Leiestreke, stillevens en blomstikkn.
In 1925 werkte Saverys ols decorateur en ountwerper van tapytn by de Kortrykse Kunstwerkstede Gebroeders De Coene, e Kortrykse firma die internationaal succes had met de productie van kwalitatieve Art Deco meubels in hout.
Saverys bereikte nationaal en internationaal den top in de joarn dertig, met exposiesjes in 't Paleis vo Schone Kunstn in Brussel en goeie contactn me 't Belgisch Keuniengshuus, surtout me keuniginne Elisabeth.
Round de joarn 1930 makte Albert Saverys drie grôte wandschilderiengn over de Zêeslag by Sluus in één van de zoaln van de de ton nieuwe casino van Blanknberge. De Saveryszoale is vernoemd noa de kunstenoare.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
