From Wikipedia, the free encyclopedia
Sal'to (isp.: Salto [ˈsalto]) om lidn Urugvain lodehes. Se om valdkundan kahtenz' lidn eläjiden lugun mödhe, Sal'ton agjan administrativine keskuz.
Lidnanznam | Flag |
Valdkund | Urugvai |
Eläjiden lugu (2015) | 129,659 ristitud |
Telefonkod | +598−473-xx-xxx |
Aigvö | UTC−3 |
Eländpunktan aluz om pandud vl 1756 kuti Brazilijan varmitesed, vspäi 1817 — Sal'to-žilo Urugvaiš. Sai lidnuden statusad (isp. villa) vl 1835, om olmas lidnaks (isp. ciudad) vs 1863 kezakun 8. päiväspäi. Edel padoseinän sauvondad oli pit'kid kos'kid Urugvai-jogel läz Sal'tod, ka nimitihe lidnad niiden mödhe (kändase «hüpke» ispanijan kelespäi).
Sal'to šingotase sömtegimištol (lihakonservad, citrusfruktad), laivansauvomižel, lebuturizmal Argentinaspäi. Lidn om ümbärtud citrusfruktoiden i vinmarjan plantacijoil.
Lidn sijadase Urugvai-röunjogen hural randal, 48 m ü.m.t. keskmäižel korktusel. Matkad Montevideo-pälidnhasai om 498 km suvipäivnouzmha avtotedme vai raudtedme. Argentinan Konkordii-lidn om vastrandal, ned ühtenzoittas Sal'to Grande-padoseinädme 12 km pohjoižhe lidnaspäi.
Klimat om subtropine neps, kezaaig om päivoikaz. Voden keskmäine lämuz om +19,4 C°, tal'vkun-keväz'kun +23..+26 C°, kezakun-elokun +13..+15 C°. Ekstremumad oma −5 C° i +42 C°. Paneb sadegid 1399 mm vodes, vähemba heinkus-elokus (53..58 mm kus), enamba keväz'kus-sulakus (157..162 mm kus).
Vn 2011 Urugvain rahvahanlugemižen mödhe lidnan eläjiden lugu oli 104 028 ristitud, agjan viž kudendest. Kaikiš suremb ristitišt om nügüd'.
Nened professionaližen opendusen aluzkundad ratas lidnas: Tehnologine institut, Opendajiden vaumičendan kaks' keskust, tehnine üläškol, ohjandusen da holitišiden tehnologine üläškol, Tazovaldkundan universitetan filial i privatižen Katoližen universitetan filial.
Sal'to (lidn, Urugvai) Vikiaitas |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.